為左佢，失去太多！

拍拖後，冇自由，冇自信，冇自我...

同佢一齊連社交圈子都冇曬...

老實講，真係唔可以完全怪佢！

做成今日局面，我有絕大部分嘅責任！

以前每次鬧分手，都呼天搶地，要生要死！

為佢付出咁多，佢係可以好輕易咁推開我！

這次分手，我明白到，想要得到愛情，只係一味付出，係唔會有收穫！

我每退一步，佢都前進三步...

有好長一段時間，我每日生活都好似呼吸困難，每抖一啖氣都好艱難！

做咩事都要睇住佢嘅面色做人，其實每日長期間番工已經好攰好辛苦，收工見佢仲要帶住面具陪笑臉！

仲久唔久郁啲就發我脾氣，我為左守護呢份感情，每每都係忍！有時畀佢鬧完，仲要嘻皮笑臉扮低能氹番佢！

即使係咁，佢依然覺得我好多缺點，呢樣唔啱，嗰樣唔著！

甚至乎我大頭蝦跌左個銀包，已經好難受，身上得番廿幾蚊，最徬徨無助之際！我係驚到唔敢話佢知！結果，當佢知道嗰陣，百般責怪，千般埋怨...

外人唔知仲會以為我專登整唔見佢銀包！

當晚我終於清醒！眼前呢個男人真係唔能夠託付終身！佢只能共富貴，不能共患難！

除之而黎，我對佢嘅耐性都虛耗曬...

兩個人拍拖，最應該做返自己，再互相配合！

太遷就對方，冇左自我，生活得唔開心，一啲都唔值得！

其實想要得到愛，最先要學識愛自己！

今次分手，我釋然了！

不再留，不再強求！

如今最後悔係為左佢而犧牲左同屋企人相處嘅時間！

轉載請註明來源：今天頭條