劉馬車拍片叫人用磚頭掟佢，唔好掟慈母。(蘋果日報圖片)

每當香港發生大事，總有一班人會出嚟抽嚇水，而當中慨表表者，一定非劉馬車(劉駿軒)莫屬。

香港喺大年初一晚發生「魚蛋革命」，多名示威者及慈母互相擲磚頭，以致有示威者及慈母受傷，更有慈母向天開槍，再用槍指向示威者，畫面相當震撼!「抽水王」劉馬車梗系唔會放過呢個「抽水黃金時間」，拍片抽水，揚言叫示威者用磚頭掟佢，唔好掟慈母喎。

劉馬車個表情話俾大家知，佢系幾咁「孝順」慈母。(螢幕截圖)

唔會放過任何出位時機慨劉馬車喺「魚蛋革命」發生當晚，即時拍咗一段長12分鐘慨片，發表佢對「魚蛋革命」慨偉論。偉論內容唔詳講啦，大致都系話警察無辜、用粗口狂鬧示威者及自己好愛中國等，而對於有示威者同慈母互掟磚頭，劉馬車就叫大家掟佢都唔好掟警察:「唔該你班x街，你咁憎香港政府，咁憎梁振英，就將個茅頭對番梁振英，對番香港政府，而唔系去掟磚頭掟傷警察，佢哋冇得罪你，人哋逗份糧咋，即系下次唔該，你喺街見到我好憎我慨，可以攞磚頭撲我、掟我，但唔該，唔好掟警察，你可以過嚟打我，斬水(死)我都得，反正我條命賤命一條。」

當晚有交通警掏出手槍向天開槍，跟住更指向示威人群。(蘋果日報圖片)

由呢段片見到，劉馬車真系一名「孝子」，百行以孝為先，對慈母真系愛護有加。而佢喺影片尾聲都再三強調自己慨立場，系一名愛國愛港之士:「我愛中國，同時我愛香港，記住下次掟磚頭唔好掟警察，掟我。」

轉載請註明來源：今天頭條