年初一晚（2月8日）至年初二凌晨，旺角發生警民衝突，逾百民市民不滿政府派員打壓小販擺夜市，與到場增援的警員發生肢體衝突、投擲磚頭、燃燒雜物，出現流血情況；警方一度對天鳴槍2聲示警。

事件引起全城爭議，討論到底應唔應該開槍、小販牌照問題、探討社會矛盾以及為我城痛心，人人都以自己方式關心事件。點知「關公」仲係無得抖，因為中華航空（China Airlines）日前喺facebook專頁表示：「呢兩日上親網吵吵鬧鬧，都係睇煙花開心啲，過年都係嘻嘻哈哈好啲」。

對於旺角衝突，有人認為係覺醒，政府定性係「暴亂」，不過年初二晚照樣放煙花，夜市都繼續遍地開花。網上有不同立場嘅討論同爭議，令事件不繼被深化。然而尋日（2月10日）初三赤口，喺中華航空嘅fb就表示網上聲音係「吵吵鬧鬧」，建議大家睇新年煙花好過。對於民怨沸騰、道德爭議被一句「吵吵鬧鬧」帶過；用公關災難開年真係令人始料不及。

中華航空嘅「堅．離地」post，令唔少網民去到佢嘅Facebook專頁「吵吵鬧鬧」，紛紛留言，例如：「你明唔明香港人點解要咁？不過睇死係公司都係投共架喇」、赤口先來火上加油，華航真係要多謝你。維穩都要講智力的」、「原來中華航空個（Facebook）Admin係港豬。」

有網民認為，依家港台兩地，正值天災人禍之際，唔應該亂抽水，「建議你刪Post道歉」，不過今日（2月11日）睇嚇華航Facebook專頁，Post就刪咗，歉就無道，一片寧靜。

轉載請註明來源：今天頭條