張學友15歲大女張瑤華甜樣引死仔

歌神張學友與愛妻羅美薇結婚近二十年，育有兩名分別15歲和10歲半的千金張瑤華及二女張瑤萱。就讀國際學校的學友大公主瑤華，日前約班外籍同學仔在中環Happy Hour，張家有女初長成，靚樣初現的瑤華現已亭亭玉立，兩外籍男書友更成晚圍住歌神女團團轉，初熟愛女咁快收兵，學友要睇緊啲喎！

多年來，張學友四口幸福之家極度低調，激罕見到其一家連體出巡。而學友曾透露兩女有「公主病」，因太寵愛女兒關係，令千金不懂自立：「洗衣機都唔識開，將啲衫拋到周地都系，仲要幫佢執，都系自作自受。我教女好渣！」

兩年前，學友遂送大女兒張瑤華到英國讀書及學習獨立，無奈女兒唔適應當地生活，未幾回港改讀一年學費至少17萬港元的英國貴族學校哈羅國際學校。

日前周五晚上7時，本報巧遇歌神親自揸四驅車載大女去中環，只見學友將車停泊在擺花街，未幾穿熱褲曬長腿、孭背包的索爆大女瑤華就獨自從后座下車，走入荷李活道的Classified西餐廳。長發頗有星味的瑤華化上淡妝赴約，餐廳內早已有四女兩男外籍同學守候，瑤華坐在長台的一端，甫坐下就點了凍飲，然後成班同學仔有講有笑Happy Hour。席間，瑤華好健談，不時以流利英語發言，與同學仔打成一片，氣氛超融洽。

Gathering個半鍾，眾人夾錢埋單打算轉場搵食，在門口商量時，兩外籍男刻意走近瑤華身邊陪笑，又緊隨伊人行去中環Soho區搵食。初熟瑤華魅力非凡，撼低班鬼妹仔喎！

轉載請註明來源：今天頭條