去淡水搞廠後，我便把香港的工作辭掉了。如是者過左幾年，工廠生意都唔錯，又細廠搬中廠，宜家狀況占地4千平方米！話雖說是老闆，但系廠都由我老婆，及佢既兄弟姊妹幫手打理，我衹是負責出錢及搵訂單。講返我老婆有三個兄弟，一個家姐，兩個兄弟的老婆，全部都系廠做，由最初一千幾百人工到現在四五千蚊人工，年尾又拿6,7萬分花紅。講到呢度，大家覺得我是否已經算係咁啦，起碼無剋薄別人！但系我老婆，依然覺得我欠他們很多，沒有他們家人幫忙你都不會有今日,但佢唔會反諗返,冇我出錢無我接訂單他們亦不能有今時今日.你地一蚊都無出過啊. 但我依然好感謝我老婆因為她英文很好,可以幫我處理唔少文書及跟客人溝通的工作.

系十一二年做廠期間發生咗好多事情,包括一開始便買多現代七人車俾佢brother跑業務,廠房租的,但機器添置，裝修等，貨車用左過百萬,我07年前註冊,08年有小朋友,擺酒結婚及買咗人生第一層居屋,當時一百八十幾萬3房,次年大陸也買咗層樓一百四十幾萬,俾三成供,裝修連傢俬電器八十萬，去年多添一個女兒，跟住自己再買多架車方便去玩及溝女。

但去玩呢啲嘢唔多講啦！主要系我同我老婆嘅價值觀唔一樣，我寧願佢多d留系屋企照顧小朋友，但佢寧遠留在大陸工作，小朋友由我父母照顧，但去年我女兒出世後我父親便患上絕症了，馬上請了一個姐姐過來幫手，期間我父親回家休養時，我老婆同我媽吵大鑊，大佬阿你都吾好等我老豆系屋企嘅時候吵野。我知我老豆當時好唔開心，但無表現出嚟，直至今年五月份去世。炒嘢嘅原因係，我老婆唔想跟我屋企人一起住，但我冇能力多買一層樓，而小朋友及我父母也需要人照顧，我父母幫我照顧了兒子7年了，無功勞也有苦勞，點解我老婆可以咁樣對我屋企人！一個星期返兩日香港住，你都接受唔到？仲本末倒置，話小朋友系大陸就受教育，都冇乜所謂，我諗就算系大陸湊仔你都冇咁既能力，因為我一個人幫唔到你，而且系大陸受的教育香港根本唔承認，將來一定會害咗小朋友。

好啦，交代埋完結左呢個topic，費事悶親大家反加深中港矛盾！講返我老婆有三個兄弟，三兄弟及大嫂都算老實人，所以我好放心交D工作俾佢地及俾佢地自由發揮，但自從二舅仔結婚後，問題開始黎，成日自動黎廠幫我二舅仔手，最後我老婆同我講，反正要請文員，不如就叫佢留繫到做啦出糧俾佢，當時我冇諗咁多便say ok! 頭一兩年都好地地，所有工作佢都做得唔錯，之後問題黎啦，上年我般廠，因為地方唔夠用及租約期滿，大家都知搬廠真係好煩！但呢個時候，我舅仔同我講，叫我開多間門市試下，咁啱佢搵到隔離鎮（佢老婆家鄉）有過合適舖位！咁我當時以搬廠為由，叫佢推遲一年先搞！結果過左幾日，佢居然同我講，佢自己租左，過理由系舖位位置好，怕俾人租左，跟住同我講，睇下我點，如果唔係佢就自己搞，我直接講，我好鱷言，我reject左，但你照做！咁你而家想點，你知公司冇左你運作會有問題，佢話佢會兩邊走，唔會令家姐，姐夫廠出現問題！我就話咁樣做冇咩意思，咁啦，係冇得轉灣情況下，我負責埋呢間鋪，試用期一年！跟住我叫老婆幚佢搞哂所有證件，之後佢地自己開過新website，同買左一兩件二手機，都在我不知情的情況下進行，到左今年，同我講要換車，因為架柴油7坐，出唔到綠標，好多地方去唔到，結果我同意了，打算買一架十萬蚊左右嘅七人車（外型不是很好睇的），結果到最後俾 佢地迫我買在架16萬既jeep,因為上一架車係用我舅仔名買的，所以我諗左今次改用公司名買，佢地話怕唔怕有咩問題會影響公司，而我既理由係可以抵萬幾蚊稅，及保險費平D，喱個結果系佢地萬萬都諗唔到嘅。我知道呢D野全部同佢老婆都有關系，但唔知我老婆係真唔知定假唔知，仲對佢地咁好咁遷就。

寫到呢度唔寫啦，當係完咗我既故事啦。講埋，一年過去，我再問佢間鋪生意多唔多，佢答我唔多，多數系經網上接單（其實我會計已經講過俾我聽店鋪生意唔系多），所以我就命令佢地一定要返廠，幫手做好管理，如無必要唔好再過店面，店面就轉租或退租，佢地就無可耐何都係要聽我講返廠幫忙管理！其實呢個結局我一早諗到，未學行先學走最終都會仆街收場！

推薦

想分享下娶大6老婆的生活 Part-1

Here>>>>

樣似大文豪出租男友陪逛街接吻 日賺逾二千

Here>>>>

轉載請註明來源：今天頭條