最近走水貨已經滿足唔到強國人啦，有人更加從香港走私活海鮮返強國，是次受害者，係數隻大大隻嘅龍蝦朋友。(螢幕截圖)
水貨客令港人神憎鬼厭，因為佢哋唔止將我哋港人嘅日常用品一批批運上強國，更狂搶我哋嘅奶粉，搞到本地媽咪個個叫苦，但最近走水貨已經滿足唔到強國人啦，有人更加從香港走私活海鮮返強國，是次受害者，係數隻大大隻嘅龍蝦朋友，唔係齊昕的母親啊，真係活龍蝦啊。
真係龍蝦嚟。(螢幕截圖)
近日有網友在一fb群組發布一段影片，根據上載影片嘅網友表示，片段係由佢喺一班開往落馬洲港鐵站嘅列車上拍到，內容係兩名疑似水貨客嘅女子，喺港鐵車廂內整理貨品實況，細心啲一睇，兩位女子整理嘅並唔係益力多或者奶粉，而係活生生嘅龍蝦，問你服未。而兩位女子嘅隨身行李包括有一個女裝袋及兩個大型行李箱，其中一箱已打開並放喺地上，兩名女子正在把兩隻巨型龍蝦放喺其中一個大喼中，不過疑似因龍蝦太大隻，佢哋唯有不斷用力擠壓龍蝦，希望可以神不知，鬼不覺咁走私龍蝦朋友上強國，但兩女似乎仍無法將行李箱拉上拉鏈，由於龍蝦有水份，車廂嘅地面亦被佢哋整濕曬。
疑似強國女子走私嘅龍蝦，係呢種大家不難在酒家發現的澳洲龍蝦。(網上圖片)
「真.龍蝦」已經被強國人盯上了，下一個受害者，會唔會係百幾二百斤重嘅「真.龍躉」呢?走奶粉、生活品唔超出限額係唔算犯法，不過走私活口絕對係犯法，大家千萬不要以身試法啊。
轉載請註明來源：今天頭條