張秀文昨晚(31日)翹到坤哥實一實齊齊出席電影《賭城風雲III》首映禮。
好受巴打歡迎嘅34D女神張秀文(Sammi)同最近人氣爆燈、喺各大音樂禮奪多個獎項嘅吳業坤(坤哥)昨晚(31日)齊齊出席喺灣仔會展舉行嘅電影《賭城風雲III》首映。兩個仲繑到實，好古怪喎！
張秀文真係全程翹到自稱偽毒嘅坤哥實一實。
張秀文噚晚著咗件中門大開嘅紅色長裙，令人噴血。
昨晚的首映，傳媒都集中火力喺周潤發、劉德華、張學友同張家輝身上，不過宅男毒男最想睇的，當然唔係四大天王，而係一向唔吝嗇自己身材嘅張秀文啦！昨晚有份演出《賭》片的張秀文以性感紅裙現身，佢條長裙更中門大開，露出深溝曬胸露腰又露背，淨係呢個look已經搶咗唔少鏡啦;而偽毒坤哥雖然衣著普通，不過佢全程黐實性感到爆嘅張秀文，仲借出臂彎俾張秀文繑住。而張秀文都好識做，全程繑到坤哥實一實，坤哥應該暗地開心到飛起啦。
其實昨晚嘅主角係周潤發(中)、劉德華(左四)、張學友(右二)、張家輝(右四)及劉嘉玲(右三)。
Sammi唔止露出深溝曬胸，佢仲露腰又露背。
偽毒坤哥真係相當識「do」，唔怪得俾網友話佢食女無數。張秀文亦都趁坤哥呢期火速上位向坤哥大笠高帽，大讚坤哥有吸引力、佢唱歌好好聽，有聽坤哥早前唱嘅＜小幸運＞，不但止咁，張秀文仲話話自己私底下默默支持咗坤哥好耐，好多點擊率都有自己份。唔怪得開始愈來愈多巴打話要向佢好好學習「如何成為一個偽毒」啦！
轉載請註明來源：今天頭條