成日見到啲人夫話老婆唔同佢曳曳，又話老婆肥左好多所以要找小三，以前都唔明點解，但現在終於明（只限2公婆都係返工又自己住）

初為人妻，頭一個月都仲正正常常

但由第二個月開始就發現唔點

你要返工，我都要返工⋯⋯

但返到屋企，我仲要做家務⋯⋯

仲要照顧老公⋯

無曬時間做自己的野⋯⋯

啲男人成日就話有恆心做運動一定得！

但問題恆心係須要時間

當你收工返到家已經7-8點

食完食後9點

仲要做家務（唔可以太夜做，怕嘈親鄰居,又唔可以太夜食飯，因為肥同對身體唔好）

做完家務後已經10點⋯做曬所有野後個人都散曬，連做啲令自己放鬆的野時間都無

你地啲男人仲要3日唔到2日又話要曳曳

要曳曳都已經係零晨架事，曳完第二日又攰又要返工⋯想死⋯

人夫們，當你地不停講自己返工幾辛苦幾辛苦時，個老婆返office幾舒服的時候

停一停，想一想

大家放工返工屋企，你做大帝，你老婆仲係做僕人時

明白嚇佢的苦處⋯⋯

更新一下：

見咁多人回都好驚訝，有人夫問做office會好攰嗎？攰過做地盤？

地盤未做過，不過試過有1個月只休過2日，返足12個鐘搬台的工，我會講這是2種唔同的攰

Office係精神上加少少體力上的攰

搬台就完全係體力，我自己感覺體力上的攰只要有得瞓返6-8個鐘就9成都無問題

但精神上的攰都係要休息先可以補返，但最慘係精神上好攰，但你身體未係好攰，所以就算意識上知道自己係要休息但你的身體都唔俾你休，上到床隻眼好攰好想合上，自己又不其然咁打開，跟住你身體同精神係到打仗咁，攪到好夜先真正入睡

我唔知係咪個個都係咁，但我和我一些朋友（做office)都會有咁的情況

好多人都話我係公主，我認我係平民公主（一向在家我呀媽都當我係小朋友咁）我認我在家唔洗點做咩家務，最多係幫手開下檯咁

但當2老去左旅行時（佢地去親都1-2個月）

我都係放工自己買野返屋企煮，而且都係潔癖上身不停做家務，但不同的是我唔洗分2次做

而且我唔係下下咩野都要男人俾錢，當然有時買野佢自己願意俾時我唔會理

不過到結婚所有的洗費我們都係佢6我4！

最後一幫老公反擊下，佢的確一向家做大帝，佢家一向教育都係君子遠離廚房，但佢返工真係好辛苦，每日都差不多10:30先返到，我又唔想佢日日出街食味精，所以會煮飯俾佢食，當然我要洗2次碗啦，我係到開post唔係主要唔係講我老公唔做家務（平時我都唔會叫佢做，只有放假佢瞓夠先叫做少少，咁可以快啲出街）

而係要講下自身感受，希望你地會明白

點解啲女人返office都咁攰，又經常唔想同你地曳曳（這是重點）

而唔係老公要做大帝所以我好辛苦！

可能係我表達能力有問題⋯

轉載請註明來源：今天頭條