有「炒散app」出廣告招聘「出租情人」喺新年見家長啊。(網上圖片)

猴年將至，唔少市民已經為迎接農曆新年做準備;買禮盒、買乾貨、約定親友及另一半拜年一定唔少得，不過未有另一半俾親友見點算好?各位單身族唔使驚，因為情人係可以「租用」的。

呢則係招聘「出租男友」。(網上圖片)

呢則就係招聘「出租女友」。(網上圖片)

近日熱爆的「炒散」app，原來唔止可以俾大家搵part-time工作，有網友更發現內有多則招聘出租情人嘅廣告，時薪亦有每小時$250，酬勞相當唔錯，「工作」時間當然集中喺新春期間啦。有人招聘出租男友，亦有人招聘出租女友。而其中一則招聘「出租男友」廣告內容係要求對方扮男友同「波士」回鄉探親，時間為2月7日-2月9日，時薪為$250，而主要工作內容有以下4點：

1.「我哋一齊作一個故事，包括你係做乜嘅，我哋點樣識及對未來嘅打算等。」

2.「陪我出席家族聚餐，同所有家庭聚會。」

3.「喺我屋企人面前你要表現好紳士、好儒雅、成熟同會關心人。」

4.「工作時間只係初步估計，因為家庭活動嘅時間很難準確計，特別係打麻雀。但晚飯結束，所有活動就結束。」

點止呢2則，仲有好多。(網上圖片)

網友們好似唔多啱喎，有人更擔心大家可能成為下一個李波添。(網上圖片)

其實呢類請出租情人陪見家長陪應酬親戚等等，喺強國已經興起咗一段時間，分別只係強國唔係用app請。就咁睇真係好似好著數，不過有網友睇完反而怕將會成為下個李波，或返強國會被人賣豬仔，所以巴打們都係小心啲好，見工前問清楚詳情先好同「波士」北上見親友啊。

轉載請註明來源：今天頭條