唔少港女被人話崇洋唔係冇原因，除咗上年蘭桂芳洋腸David同Alex拍片力證呢個事實外，最近又有位港女話難以抗拒洋人嘅風度同體貼。(網上圖片)

唔少港女被人話崇洋唔係冇原因的，除咗上年「蘭桂芳洋腸」David同Alex拍片力證呢個事實外，最近又有位絲打敵不過洋人嘅風度同體貼，喺討論區呻接受唔到港男。

近排網上有位自稱喺澳洲讀咗4年書嘅絲打喺討論區開po大呻，話自己同慣外國人拍拖，接受唔番香港男仔。(網上圖片)

近排網上有位自稱喺澳洲讀咗4年書嘅絲打忍唔住喺討論區開po，佢話自己喺澳洲讀過4年書，呢4年分別同過3位洋人拍拖，仲大讚班洋人男人:「佢地(哋)都好有風度好體貼，又有主見，所有dating都交俾佢地(哋)諗。」

絲打話之後因為要返香港工作，因為遠距離愛情所以最後要澳洲男友分手，佢都自稱話喺香港不乏追求者，不過完全睇唔上眼，「返香港公司，但一直都搵唔到男朋友，有幾個人追我，但我都冇接受，原因係香港男仔同外國男仔差太遠。」

網友撐港男，話港男問絲打只係出於禮貌，只係絲打崇洋，仲叫佢搵外國人吧。(網上圖片)

讚洋人不是問題，但絲打卻以讚洋人踩港男，「唔講其他嘢，只係講主見已經輸哂，果幾個男仔都問我聖誕節得唔得閒，我話ok，之後佢哋竟然問我: 『你想去邊?』 ，明明你哋約人，點解要我諗番轉頭?」網友們當然都係幫港男們平反啦，有人話絲打「根本係歧視」、「崇洋的港女」;亦都有人話「問樓主意見咋，同無主見兩回事吧」、仲叫絲打番去搵外國人喎。其實一句「你想去邊」，解讀成「冇主見」定係「尊重你意見」，睇嚇女士們點睇囉！

轉載請註明來源：今天頭條