廿二歲的Daisy在今年三月，參加工作假期計劃（Working Holiday）到澳洲西部柏斯旅遊兼學習，原來在當地一按摩中心從事賣淫工作。進入按摩房後，Daisy會為脫光衣服的客人全身推油，其間會問客人是否須要額外服務。手淫收費三十澳元，上半身赤裸另加五十澳元，全身赤裸另加一百澳元。

澳洲最易申請簽證

二十二歲的Daisy得知記者從香港來，即他鄉遇故知般，坐在休息室分享她來澳洲Working Holiday的點滴。

「我響香港賣護髮用品，係Salon做supervisor，得一萬蚊，扣埋MPF，一萬都冇，我覺得好慘囉，響香港根本搵唔到錢，聽啲朋友講可以試嚇去Working Holiday，去外國工作賺錢兼旅行，順便想學英文增值。」Daisy說在香港曾任侍應、酒吧拳手等工作，但嫌薪金低，工作時間又長，故決定到澳洲一試。

「我自己好想去旅行，但一直冇錢，來來去去都係去台灣、大陸，今次係我第一次衝出亞洲。咁多個國家，澳洲最容易申請，咪過嚟囉。」

錢少農場工No Way

獲得簽證後，Daisy在三月飛抵澳洲，起初地點是澳洲雪梨，到埗後立即搵工。「我在雪梨搵咗兩個禮拜，先搵到份化妝品Sales，得一百蚊澳紙（港幣八百三十五元）一日，仲要跑數。我英文又唔掂，根本Sell唔到，無幾耐就炒咗。」眼見雪梨無路，Daisy在五月初決定轉戰西部的柏斯（Perth）。「我又上網又睇報紙，出街逐間shop派自己CV（履歷），連珍珠奶茶店都願意做，一個迴音都冇。基本上啲人一聽到你係working holiday過嚟，就已經唔想請，因為知你兩、三個月，最多半年就會走，人哋點解唔請個長工？」

Daisy說曾聽聞到澳洲可以到農場打工，但實際上錢少又辛苦。「聽人講做farm的而且確有廿幾蚊澳元（約二百多元港幣）一個鐘，但而家愈來愈多人過嚟澳洲搵呢類工，所以現在壓得很低價，得番十蚊個鐘，仲要凌晨三、四點勁凍嗰時起身開工，下晝好熱好曬，日曬雨淋，一日做成十幾粒鐘，仲要勁多蛇蟲鼠蟻，人工低又辛苦，邊有人做？」又嫌錢少又嫌辛苦的情形下，Daisy 過了近兩個月還未找到工作，食住使費迫在眉睫，於是決定到按摩店工作。「其實之前我在網上睇個招聘貼，一早打過電話給Cindy，佢話等我返工，是我始終猶豫不決才冇應承，後尾見其實好多香港女仔都做過，我咪試下囉。」Daisy最終到按摩店開始其工作，她說不少捱不住辛苦港女，都會走上這條路。

月入五萬港元

她坦言到按摩店工作，香港家人和男友全不知情。

「我最怕遇到香港啲客人，我唔想俾人發現自己嚟到澳洲Working Holiday原來做呢啲嘢。我只同我男友講話係正宗推油工作，唔知要打丁

。我絕對唔可以俾人知我係做呢啲嘢吖，點知人哋會點睇？」怕人知道，卻要繼續做，是因為收入豐厚，令Daisy見錢開眼。

她說，當地的外國人喜歡身形嬌小、小麥色皮膚的亞洲女生，所以像她一樣從亞洲來的按摩女非常受歡迎。

「所以有時我一日自己袋幾百蚊澳紙。另外公司每日用現金出糧，所以唔須要報稅，全部淨收入。」她說她從五月開始到該按摩店工作，僅一個月時間已勁賺五萬港元。

「一個月搵到近六千多澳紙，喺呢度返三日工，已經等同響香港成個月份糧。」Daisy笑說自己一世人也沒賺過那麼多錢，扣除生活費後仍能儲到三千澳元（二萬多港元）匯返香港。「響呢度真係搵到錢！」Daisy為自己的賺錢能力心感驕傲。

轉載請註明來源：今天頭條