我同男友拍拖7個月

我地係同一間大學同一個學系讀書

男朋友好似好怕比人知佢拍拖

佢係人面前都會同我保持距離

每次上落堂就算一齊行都有兩三個人既距離

我有問過佢點解 佢話佢d朋友成日抽佢水

佢覺得好煩 所以就唔想係人面前同我一齊

我都明白佢感受 我都好低調咁同佢一齊

其實上落堂一齊放都係我要求既

因為我地見面時間好少 佢成日都要番part time

我想見佢多d

我地唔會傾電話 好少wts 就算有wts都係得一兩句

每星期除左果幾個鐘可以兩個人相處之外 好多時我都係自己一個或者同朋友一齊

但係我發現佢有多餘既時間都會去打機

我覺得自己好似好唔重要咁

每一次都係我去搵佢 佢係可以完全唔覆我

有時我都會諗係咪自己太煩 佢唔鍾意

我覺得自己好冇安全感

我同佢講呢件事時佢就話我成日都係到亂諗野 唔信佢

我只係想可以有多d時相處溝通

有時我仲會覺得自己完全唔似拍拖

主動太耐好辛苦好攰

我都唔知繼唔繼續落去好

轉載請註明來源：今天頭條