我地都叫做識在微時，由做parttime開始，做快餐店相識一個月就開始拍拖，叫做一見鍾情掛，我由果時開始已經踏入社會做野，小弟中五程度，會考幾分，無心向學，已經打算出黎搵錢，佢雖然唔係高才生，但都大學畢業。

初初開始拍拖，我搵錢唔多，講僅係5000蚊，當然係洗乾洗淨啦，熱戀期大家都好enjoy，食咩都無所謂，當日子奈左，當然要諗將來。我開始擔心將來無能力照顧佢，我成日驚，第日佢搵錢多過我，甘點算，佢假假地都大學生，我只係中五，徐左收入多少，就連生活圈子都會唔同，漸漸變得疏離。我好愛佢，為左自己或為左大家，我一定要做反d成績出黎，否則呢段關係我自己都唔睇好，最近呢幾年，為左工作，大家自然就少左時間相處，佢亦都唔懶，讀大學時已經一路做野，一出黎都搵僅萬5，呢個時間大約係4年前左右，我當時都係搵呢個數左右，大家已經平起平坐，我當然唔可以停低，好彩把握到個機會，可以做d小生意，收入係高左，但好睏身，而且時間好唔穩定，佢亦都係兩年前轉左工，收入2萬左右，而我收入已經有4-5萬，但大家嘅圈子已經完全唔同曬，佢轉工無幾奈，已經同我講左分手，我唔願意亦都只有接受，試過上佢屋企求佢，都無結果，過左幾個月，收到消息佢同左人地一齊，應該係公司同事，當然係好唔開心，再過多幾個月，又話散左，其實我一路係道等佢，最後都比我感動左，我地半年前一齊反，我雖然好開心，但始終覺得佢同以前唔同左，可能係經過社會嘅洗禮，一切都反唔到去初初。佢由9月開始，已經開始避我，我約佢，佢話唔得閒，佢係放星期日架，而我星期日一定無得放，久而久之，佢係12月，又同我講分手，係好唔想，但又可以點，最近又聽到佢同第二個一齊左，我果刻真係好hurt，都係果句，可以點？唯有自己一個唔開心。

有時真係好唔明白，為左工作，係忽略左感情，佢我好肯定，如果無穩定嘅收入，根本就無將來。我真係攞唔到個平衡。

佢唔係樣樣都睇錢，當然我自己都唔係十全十美，如果排除第三者，分手原因唔多唔少係因為大家圈子完全唔同，越走越遠，而我亦由年輕時一個靚仔，變成肥仔，我好唔捨得呢段感情，但亦唔到我選擇，只好黯然離開。

網民有話說

Zion62：更厲害果啲係叫女婿買層豪宅，寫外母名。

Yanyan4384：雖然錢唔係萬能，但冇錢真係萬萬不能，冇錢真係好容易會吵架！

vn9511：比人洗腦好似換左個人咁。

藥帝：狀元遇著兵，有理都說不清。

轉載請註明來源：今天頭條