可能係全港首宗網購搞到比女飛嘅慘案！事緣今日有網民係討論區發帖，指自己係1月13日幫襯咗王維基嘅HKTV網購服務，用$47.5買咗一枝牙膏，另外用咗差唔多五千蚊，買咗個「藍色日式書包」，果位網民話「我女朋友生日, 我都專登幫襯你, 訂左個袋」「我女友唔鐘意名牌, 佢鐘意D好睇既款就可以」，網民仲上載埋張訂單指自己無講大話：

Photo: @香港怒漢 hkg

網民之後收到貨，點枝送咗枝錯嘅牙膏：「我訂左Oral-B 健康專家全方位保護牙齦謢理牙膏90克（$47.5），你送貨就送左支平好多，12蚊支既Oral B 牙齒及牙肉護理牙膏100毫升。」笑咗。

.

.

.

.

.

咁都算，同一張單嘅五千蚊日本書包居然仍然無貨，但事主女朋友嘅生日已經過咗好耐，事主激動痛斥：「我女朋友生日都過曬，（試問）有幾多個香港女人，忍到生日冇生日禮物，仲要過左咁多日？我女朋友話，就算係北京，都2日到啦，你咁慢，點搞呀？」

.

.

.

.

.

.

事主更進一步訴心聲：「我30歲先溝到女，難得一個毒撚IT男溝到女，趕尾班車。我冇左個女朋友，你點賠比我？我以後再幫襯HKTVMALL，就會諗起我因為支持你搞到連女朋友都冇埋，一支公。」陰公咯！

事主最後向王維基作出呼籲：「你唔夠人手就請啦！你請唔到就加人工啦！我冇左個女朋友，請問你點賠比我？」

網購係為咗方便市民，點知而家反而令市民不便。計我話，HKTV MALL 啲宣傳係就係搞得幾好，但售後服務咁差，都係無補於事。花多啲錢改善送貨服務同送貨員待遇仲好啦wiki！

多手禁咗入去HKTV個網望嚇，原來事主買比女友果個袋，已經由4千幾蚊減到$1460，揼曬春咯今次！

.

.

.

.

.

.

.

.

.

.

.

轉載請註明來源：今天頭條