搵1萬頭好難生活？　網友教慳錢大法勁過大劉仔

呢個年代嘅香港物價上漲，唔止樓價同租金升到澎澎聲，柴米油盬都貴到爆炸，食個lunch最少都要50蚊先落到樓，而且港鐵呢啲交通工具車費年年有加無減，可惜人工就「十年如一日」追唔上通脹，所以唔少打工仔呻喺香港搵食艱難。

近日又有巴打喺討論區開po呻人工低，得一萬蚊好難生活︰「除非你食屋企，住屋企，又唔洗俾家用，放假又係屋企唔出街，出麵食個飯都40，買個包都7-8蚊，香港生活真慘。」唔少網友都好有共嗚，覺得返工食飯洗費貴到嚇死人。

究竟搵1萬蚊一個月係咪真係生存唔到？有網友就列出幾個慳錢大法︰

1. 返工帶飯/餐餐捱麥記

2. 早餐晚餐喺屋企癡餐

3. 出街不買零食

4. 搵份近屋企嘅工，減少車費開支

亦有網友同大劉兒子劉鳴煒同一見解，認為唔追求智慧型電話慳到嘅錢夠食好多餐飯喎，不過咁樣死慳死抵法，生活仲有乜意義？

近年香港物價指數勁升，衣食住行樣樣都貴，大家認同嗎？(網上圖片)

有巴打就呻搵萬零蚊生存唔到。(網上圖片)

有網友認同巴打嘅說法。(網上圖片)

既然物價照升，人工照舊，網友就提議咗好多慳錢方法。(網上圖片)

轉載請註明來源：今天頭條