相信有唔少朋友都聽過「XX曲奇」的大名，初時只係位於赤柱的一間小店，不過標榜「香港人手製造」，出品的曲奇鬆化可口，進駐上環和尖沙嘴後大受OL歡迎。而且在內地知名度奇高，成為內地旅客來港必買手信之一。不過店子出名後，服務愈來愈差，員工的惡劣服務態度幾乎同佢哋的曲奇一樣咁出名。該店曾被報章指，只售曲奇予內地遊客，拒做港人生意！早前更有網友爆料，指該店員工歧視傷殘顧客，可謂臭名遠播！

呢間咁出名的曲奇店今日又有新聞，事緣下午時又有大批客人在店外排隊，令本身已經狹窄的街道擠得水泄不通，嚴重影響兩旁的店舖做生意之餘，就連緊急消防通道亦被阻塞。有見及此，有人召來警察處理，不過呢位長髮阿姐甚有大家姐風範，對住阿Sir的態度非常「寸寸貢」，唔講仲以為條街係佢的。

相比起長髮阿姐的淡定，呢位短髮阿姐就好勞氣，不斷指住拍片者狂鬧！

呢位講嘢帶有濃厚鄉音的阿姐不斷指住拍片者狂鬧，一邊鬧就一邊行番入舖頭。阿姐一時又話人爸爸坐監、一時又話人媽媽坐監，仲話拍片者都要坐監，入去「一家團聚」云云。

呢位阿姐真係夠曬中氣，行兩步就一個華麗轉身再鬧過。時而鬧人「八婆」，時而又叫人入去「演」嘢，仲大叫︰「你炒唔炒o架！」

鬧到最後，呢位阿姐又再重提「老豆」，不過老老豆豆，真係唔係好知佢講緊咩…… 之後阿姐仲運用高科技，嚟一招反拍！今時今日香港地，咁樣嘅服務態度，你會去排隊幫襯嗎？

轉載請註明來源：今天頭條