現年37歲、自稱係「可憐人」嘅絲打自言「註定一世單身」，做乜咁灰？死症係眼角高囉。(網上圖片)

香港女性愈來愈遲婚，唔少港女樂做單身一族，提倡自給自足；不過亦有中女擔心嫁唔出，呢兩日有自稱係「可憐人」嘅絲打透露現年37歲，睇怕會「註定一世單身」，嘩！點解咁快自判死刑？

可憐人自言「由細至大一直依賴男友生活，男友每一個都有錢有樓、收入少極都過10萬，有幾個男友是醫生律師」，亦因為一切得來太易所以唔識珍惜前度，到目前為止單身兩年。不過可憐人眼角好高，認為「現在的男仔條件都唔得，自己養唔掂，難以養我」，仲話起碼都要同前男友差唔多質素先會考慮！

自己知自己事，難怪樓主都話「我這種中女無市場了，既然我放不下身選擇條件差的，註定要單身一個，唯有認命！」

雖然有人鬧爆「可憐人」有因必有果，一切都係自己造成、又話「37歲已無市場價值，可以等死」（咁絕？）；不過都有絲打安慰樓主，指佢之前歎咗咁多年，其實已經好幸福；又叫佢應該要享受單身，「緣份嘅野不論年齡」；更有人建議佢面對現實，降低標準。愛情話嚟就嚟，胡杏兒都係35歲先搵到真愛、40歲佘詩曼更加(自稱)未有男友，好好裝備自己再重新出發啦。

可憐人嘅前度每一位都「有錢有樓、收入少極都過10萬」，令佢覺得追求者要同前男友差唔多質素先會考慮。(網上圖片)

有人笑佢自己唔識珍惜，後悔都冇用。(網上圖片)

不過都有人叫佢睇開啲，唔好自己製造壓力，緣份嘅嘢好難講。(網上圖片)

胡杏兒都係等咗幾年，35歲先搵到真愛。（蘋果日報圖片）

轉載請註明來源：今天頭條