上到車，對大部份香港人嚟講，已經唔係理想，係夢想嚟，就算係強國人，一樣好想在港擁有自己名下的物業；就好似以下呢位網友的強國後母，以死相迫，仲要脅網友老豆要將層樓加自己個名，手段幾咁狼死。
呢位網友話自己老豆7年前，喺大陸夜總會識咗而家呢個只大網友1年嘅後母，而呢個後母都生咗一個同網友同父異母嘅妹妹。本來生活冇乜問題，網友老豆都買咗樓俾佢後母同後母家人，但網友老豆最近申請咗佢呢位江西後母嚟香港，一切就開始改變啦，「咁最近吾(唔)知無啦啦我老豆申請左(咗)佢落黎(嚟)，然後打個電話黎(嚟)叫我搬出去，我頓時心都淡曬。本來我都想搬出去，但之後我問曬我阿爸ｄ(啲)親戚，同阿媽，佢地叫我千期(祈)吾好搬出去。」
網友呢位後母之後就出絕招啦，就係以死相迫，「我老豆條女就變本加厲，係(喺)大陸日日話跳樓自殺，仲要脅殺埋佢個女，話一定要落黎(嚟)香港住我地(哋)呢度同層樓落佢名。」
對於呢件事，網友親生媽媽就用以下方法嘗試阻止，「所以以(而)家我阿媽翻過黎(嚟)幫我地(哋)換左(咗)屋企把鎖，連我老豆都翻吾(唔)到黎(嚟)，因為佢話如果呢個女人入左(咗)黎就走吾(唔)到。」但網友自己唔知其實咁做啱唔啱，所以就上網問嚇其他網友有冇其他方法幫幫佢啦。
網友們意思當然有正有反啦！而呢位網友嘅方法睇落好似比較可取，「層樓係你爸同阿妹聯名，要改名都要佢兩個同意，最緊要叫你妹守住唔好改名加名，換左(咗)鎖佢都可以叫開鎖佬開，徹底d(啲)換密碼鎖，所有貴重物品唔好擺屋企任何位置，出入時小心老豆同個女人跟你地(哋)尾，叫阿爺阿麻(嫲)大伯阿叔等親戚幫口，你地(哋)作大d(啲)講慘d(啲)唱衰d(啲)條女都唔怕，最緊要收到個大陸婆皮，老豆唔怕兩個女但都會聽下親戚講野(嘢)，絕d(啲)可以睇下有冇位入到個女人，有就報警報海關。」網友，唔知佢嘅意見幫唔幫到你呢?
喺網友呢篇文中，真係可以feel到網友好頭痕。(網上圖片)
唔知呢位網友嘅意見幫唔幫到樓主呢?(網上圖片)
近排有網友話自己後母以死相迫，要求老豆要加後母個名落層樓度。(網上圖片）
轉載請註明來源：今天頭條