上月尾，有團體喺觀塘搞咗個party，介紹一班專門喺網上發表音樂嘅年輕人。音樂嘅嘢，《壹》仔真係識條鐵咩，不過有機會同班後生仔交流嚇都唔錯，所以都去咗趁熱鬧。去到現場，見到兩個貌似竹升仔嘅小男孩，好鬼熟面口，但一時又諗唔起佢哋似邊個。後來有人話俾《壹》仔知，呢兩個細路背景唔簡單，原來係和勝和現任坐館沙田Me個仔。
呢兩個細路分別叫Zachary（18歲）同Aden（16歲）。《壹》仔問佢哋做乜想入娛樂圈，佢哋話自細就好鍾意唱歌跳舞，所以想試嚇入呢行，依家兩個都有跟吳國敬學唱歌。而Aden早兩年，已經喺泰國拍過一部講打拳嘅戲。兩人仲話，老豆本來反對佢哋入呢行，但最後都冇符，俾佢哋試一試。咁驚唔驚老豆嘅麻煩背景，會有影響先？細仔Aden就話人哋點講控制唔到，但佢話自細喺外國長大，唔知社團係乜嘢喎，只知老豆係一個生意人。
群星尖東賀壽 勝和坐館親點鮑魚宴客
上星期二晚，尖東港晶中心二樓一間酒樓，出現一名黑衫黑褲、樣子兇神惡煞的男子，酒樓經理仲笑笑口、必恭必敬地陪他進入貴賓房。看真一點，才發現他是和勝和現任坐館沙田Me，原來當日他搞生日Party。
勝和坐館搞Party，還以為會有好多江湖猛人出席，怎知剛好相反，一個古惑仔都沒有，反而見到一大堆娛樂圈藝人，例如剛剛開完演唱會的吳國敬、長駐大陸拍劇的陳浩民、范振鋒夫婦、喬寶寶、李雨陽同仙樂都等，場面都好熱鬧，不說還以為是演藝人協會聚會添。之後還見到沙田Me親自走到櫃臺，叫職員替他點菜，「鮑魚喇，蒸條靚魚喇。」坐館生日，果然食得豪。有職員話當晚十二點時，沙田Me切生日蛋糕吹蠟燭，一班明星還唱生日歌，之後喝了幾十支紅酒，玩到凌晨兩時多眾人才離開，非常盡興。
有江湖人表示，沙田Me一向交遊廣闊，和很多娛樂圈人稔熟，而當晚Party應該不單止食餐飯這麼簡單，應該大家傾合作計劃。其實江湖一向盛傳，沙田Me想做第二個洗米華，他早前投資八百多萬開娛樂公司，都是想踩入娛樂圈。勝和坐館明年就要交棒，不知到時沙田Me會否全職發展佢嘅娛樂事業呢？做娛樂大亨，點都高層次過做江湖人。
轉載請註明來源：今天頭條