人到左一定既年紀，就要知道應該開始鍛煉身體，生活亦要好有規律。

我大概由兩年前開始，堅持風雨無阻咁每日做一個鐘既運動，係星期六日因為時常成日貓係屋企，所以做運動既時間推遲到晚飯之後落街散步一個鐘。

今日我去屋企附近既公園散步，黃色既燈光照係黑色既湖面度，可以見到水入邊D魚同少少荷葉。好矮既花樹開滿粉紅色既花，好多老少婦孺係公園入邊散步或靜坐，場景幾咁和諧。

有三四個小朋友，大概四五歲，其中兩個男童由湖面中間堆起既假山石行過來呢邊，睇落去好危險，我同佢地講：「小朋友，你地唔好由果度行過來，果度咁窄，又 冇爸爸媽媽睇住，好危險。你地應該由橋上面行過來。」果兩個小朋友聽左之後，望下佢地行過來既地方，似乎明白跌落水既危險，非常之聽話咁，商量左之後，由 橋面行過去。我心諗：「呢D小朋友真係好乖好聽話，同佢地講，佢地真係接受度，比個like!"

我一邊散步一邊聽歌，晚風吹過，心曠神怡既感覺。不過今晚我著左條長裙出街，可能因為身材太好，所以有路過既麻甩佬注目，感覺比人目光騷擾。下次都係著返醜樣D出街。

我心諗，其實我好中意我而家咁樣簡單而寧靜既生活，所以我先至可以堅持一路以來都一個人，事實上而家既生活，好似退休左既老人家咁寧靜，正正係我追求同想 要既生活，但係因為呢個社會好多人，一路係度chase你要搵一個伴侶，搞到好煩惱，或者我前世係一個修行既人，今生又繼續修行，做咩一定要男歡女愛先至 係岩？！做咩唔可以由我自己揀翻我自己覺得舒服既生活？！我根本都唔需要搵一個男子同我一起，當然，如果要搵，我希望搵一個知己型既伴侶，過返D男歡女愛 快樂人生，但係自古以來，曲高和寡，我諗要搵到個知己都幾難下，係搵到之前，都係繼續過返自己平靜又寫意既生活。

但係，好少人會願意用心去聆聽一個剩女真正既心聲，多數人都係度可憐剩女冇市場，不斷咁push剩女要降低要求，求其搵一個男子結婚。唔通因為年紀大而求 其搵一個將就既男人結婚，生活會更幸福美滿？我唔覺得係嘍，冇理由咁樣作踐自己。如果結婚之後生活不但冇提升，反而下降，咁都係一個人好過啦。

轉載請註明來源：今天頭條