我個妹剛過去的星期四話與拍拖6年的男友分手，家人感到驚訝，因為兩個一直都相安無事，無可能話分就分

佢男友好想挽救呢段感情，我個妹企硬唔想復合。

坦白講，佢地6年前拍拖家人已經唔睇好，因為兩個係year.1時認識，男方讀左一個學期決定退學，我個妹戀愛大過天，決定跟佢退學，出來打工，家人好嬲，話辛辛苦苦供佢讀大學，佢一個唔該話要退學，覺得男方好自私，做咩要拖埋個女落水。

一年後，我個妹決定重讀year.1，讀咪俾佢讀，前年都畢左業。

佢男朋友呢6年上來屋企食飯10隻手指數得哂，次次話得閒上來食飯，佢都係一句啊

或許這種疏離感，令家人有另一種不滿，覺得將來結婚都會跟外家無來往咁。

上年11月佢兩個去日本旅行，返到香港覺得個妹唔係好開心，話係咪鬧交又話唔係，我地都無理佢。

直到上星期日，家人見佢將男友送的禮物全部掉哂，問佢有無問題，佢話無問題。

上星期四晚，忽然爆一句我地分左手

同一晚佢男友打電話問我可唔可以幫手cool煲，我都同佢講睇你誠意，會叫阿爸阿媽同個妹星期日見面，結果得同唔得都睇你自己做化。

尋日佢地見面，拎埋花上來道歉話想重頭開始，都係失敗收場

同個妹生活左廿幾年，我都知佢性格，佢係唔識planing只識及時行樂，兩個都係唔會planing，就算打風都打唔甩我都幫唔到佢！

我個妹列佢幾大罪狀

1.拍拖6年都唔願俾名份

2.無長遠計劃，婚後租屋、生活費無諗過

3.唔肯返教會

4.只識重視朋友卻忘記佢存在

5.唔肯上屋企食飯

睇來幾條近乎死罪，幫唔落

轉載請註明來源：今天頭條