近日周子瑜國旗風波、羅志祥「我們都是中國人」事件，搞到兩岸娛樂圈滿城風雨，藝人身分認同問題受到關注。喺香港，歌手何韻詩今日宣布，佢嘅個人生活品牌「Hall1c shop」將會撤出阿里巴巴旗下嘅淘寶網。

何韻詩今日喺Facebook貼出小公告，話決定「仿傚李嘉誠，將Hall1c 淘寶店全面撤資」，以後粉絲可以到官網直接訂貨。佢又回應讀者留言說：「真係以為一個淘寶店養起我全家咩，貓糧都未夠買啦」。

而Hall1c淘寶店並未立即閂門，仍然有兩對襪賣，但售價係10,000蚊人仔。

唔少網民留言大讚「撤得好」、「要做正常人就同中共所有野劃清界線！」但亦有人用簡體字留言話：「一開始就不要開多好，現在撤，真好笑」、「如果在內地都見不到你就更棒啦」。

轉載請註明來源：今天頭條