小弟28歲...有個拍左拖5年半既女朋友...

由聖誕開始，我同個女同事發生左感情同關係，一腳踏兩船左3個星期...

我內心受盡責備，但實在唔知點選擇...

女朋友:大我3年，一齊左5年半，女強人feel，處事財政都好獨立...

上年同佢去巴黎求埋婚，預計今年年尾結婚...

但問心其實已經唔愛佢，我地已經超過1年無sex，每個月都只係見3-4次，所以我對我同佢既婚姻真係好無信心可以長久...

連d fd都話我地似唔一齊住既老夫老妻

唔會鬧交，唔會激情，隨時1-2日唔聯絡都唔係咩奇怪事...

女同事:同我同年，半年前新工識既，識果陣已經知佢結左婚幾年...

佢同佢老公關係應該ok, 間唔中見到佢老公黎接佢放工，FB都會post佢同老公去旅行等等既相。(我無佢fb, 其他同事比我睇)

我同佢非常夾，不論興趣愛好愛情觀甚至sex都好夾...所以好短時間就好愛對方...

佢話可以為左我離婚...

我知理性咁諗應該選女朋友，但我都係28歲姐，同個唔愛既女人一齊咁就一世? 我真係唔甘心...

轉載請註明來源：今天頭條