噚晚（17日）張柏芝應騰訊邀請，出席「騰訊應用寶星APP之夜」。

【FACE Pop Poll - 2016你最期待的韓劇?】投票：http://facepop.hk

昨晚（17日）張柏芝應騰訊邀請，出席由騰訊舉辦慨「騰訊應用寶星APP之夜」，並以壓軸身份，獲大會頒發「最具影響力藝人」獎項。

35歲慨柏芝keep住靚樣，佢話唔心急搵另一半。

站在舞台上慨柏芝著起一身超長的「離地」長裙獻唱〈星語心愿〉，不過佢呢一身「離地」長裙造型同62歲日本知名歌手小林幸子喺上年12月31日舉行慨第66回NHK紅白歌合戰演唱〈千本櫻〉時所著慨「離地長裙」激似喎。

呢條「離地長裙」好特別，同日本知名歌手小林幸子著過的款式好似。

62歲日本知名歌手小林幸子喺上年12月31日舉行慨第66回NHK紅白歌合戰演唱〈千本櫻〉時所著慨「離地長裙」。(網上圖片)

昨晚張柏芝一現身紅地毯就被傳媒追問有關前夫謝霆鋒與王菲的婚訊傳聞，佢大方回應：「從第一日佢哋一齊，我就講過會完全一百分之一百祝福。」活動過後，柏芝接受內地傳媒訪問時就大談自己擇偶條件，佢話依家慨佢同以前慨佢對「愛情」觀已大大不同:「做藝人呢個位好尷尬，公開，會俾人話搞新聞，唔公開，又話你故意隱瞞，順其自然吧。以前後生，想搵一個我愛佢，我付出所有都冇問題慨人，但而家想搵一個佢愛我、會保護我慨男人，希望系成熟穩重類型，但如果個天安排我遇到慨人系後生仔，我冇所謂，以前我追求浪漫，而家我比較在乎溝通，咩年齡都好，溝通到最重要。」

柏芝話大仔Lucas(左)同細仔Quintus(右)好心急幫佢搵男友。(網上圖片)

柏芝笑稱，自己2個囝囝Lucas同Quintus反而比自己對搵另一半更急:「記得有次我哋響機場等上機，兩個小朋友離遠見到個後生靚仔，好緊張同我講：『媽咪，睇嚇，好靚仔，過去同佢傾偈，等佢追你！』我叫佢哋冷靜啲，點知話口未完，兩個跑去個男仔度，話我媽咪好鍾意你。嘩！我嗰刻，好想『搵窿捐』，尷尬到呢，可想而知兩個小朋友仲急過我。」

講到工作，柏芝話已經將2016慨工作檔期排到密麻麻，但應該唔系以拍電影為主，至於系有乜計劃，柏芝話要俾驚喜大家喎:「今年好多計劃，但暫時保密，想到時俾大家一個驚喜。我鍾意工作，唔做嘢我會病，自己都好想拍電影，但我有好多顧慮，因為拍一套戲，拍三、五個月，甚至拍半年都唔定，冇時間照顧小朋友，自己拍戲拍咗十幾年，想遇到一個好突破、又或者可以打動到我慨劇本，如果遇唔到，我寧願唔拍。」

轉載請註明來源：今天頭條