毛記電視的「勁曲金曲分獎典禮」近日成為全港熱話，油公司的贊助之舉，更被指是極為成功的市場學案例。歌手何韻詩今日在facebook自稱「廢鐵」，並講述自己近年被各大客戶避而吉之的慘況。

何韻詩透露佔領運動過去一年來，並非無人問津，惟「通常傾兩傾問兩問，結果又係無咗下文，客戶因各種原因都係 唔搵你」。何並稱本月「又係因為講咗d唔知咩，結果有個傾緊嘅廣告都係拜拜咗」，她指自己對此已經習慣，但認為以一個大環境去諗，情況十分悲哀，形容廣告 客戶「個個都驚到呢」，更相信同樣情況應已遍布全港。

對於出席分獎典禮向油公司說多謝被鬧，因該公司被指涉及在北極進行影響環境的鑽油工 程，何韻詩稱在此時勢有企業願「支持某一班廢鐵」，大家團結講多謝是想告訴其他客戶「撐佢地真係無事，唔會令你有損失，反而可能令你多咗另一個市場添」， 又解釋說講多謝「都係順應氣氛搞嚇gag啫，不過你地咁無幽默感咁我幫唔到你啦」。

已預告今年會在紅館舉行演唱會的她，表示已預期最終無贊助，揚言大不了就靠自己，「做一場紅館要開支幾百萬嘅budget嚟計，咪辛苦d，賺蝕要自己承擔，同埋好多想做嘅效果可能要放棄囉。」她笑言大不了就只開一場，不相信一場門票都賣唔到。

轉載請註明來源：今天頭條