少少背景: 本人90後，自少媽咪家教好嚴，而我對自己要求都極高，所以我中學唔單至無拍過拖，什至係諗都無諗過，一心讀書同專注自己。

本人樣貌，客觀咁講，係真係唔錯，因為全部親戚同朋友(同性異性)都成日讚我，而且我本身對事物品味算好。但正因為咁，追我既人一直好少，好明顯有d人係唔敢追，而我係感情方面都極唔主動，所以經常單身。有幸，讀完大學，做到專業人士，而且獨立自己搬出黎住。

咁2015年尾，有一晚無野做,都買好芝士同酒諗住自己係屋企聽歌就一晚。咁呢個男仔就搵我飲野, 我諗反正無野做，又唔係落club，咁咪應約囉。同呢個人是唔熟的，好正常傾計，著得唔性感，但chic。我酒量好，飲完仲識自己行返屋企。

之後佢就開始黎料，展開攻勢追求，佢話鍾意我談吐思路喎，話好獨特少見喎。佢會book我屋企附近既restaurants (全部都唔係平)，買名牌俾我，等等。我同佢講左我無咩感覺，但佢既攻勢無停過，仲加強左。

我超級唔好意思，佢明顯家底比我好，可能唔在乎d錢，但我屋企只係小康，幾萬一個手袋係買得起，但要諗好耐，而且會好珍惜個種。我同佢講我唔要禮物，無資格收貴重禮物，佢係咁「質」我要。我要一再一再拒絕，什至請求佢唔好買。

讀左咁多年書，我個心好唔舒服，我覺得佢想買我，想將我私有化。佢追我，老實講，我受寵若驚，因為從來無人試過咁追，而我一直都好獨立。但我所期待既，唔係咁樣，咁樣好物質。

大家點睇?

轉載請註明來源：今天頭條