女事主因為同男友分手而痛失愛犬撫養權。(網上圖片)

一對情侶如果喺拍拖期間一齊買狗，咁分手後隻狗狗又應該點處理好呢?近日有位疑似喺香港一娛樂經理人公司任職的女事主，拍拖時同男友一齊買咗隻狗仔，不過分手後就出現狗狗撫養權爭奪戰，美女主人更喺fb將自己嘅情況打成千字文，希望網友幫手share出去。

女主人向大家透露故事來龍去脈。(網上圖片)

女主人講述事情是這樣的，佢同前度仲熱戀時一齊買咗隻貴婦狗，而分手後，女主人因為要搵地方搬，所以就將狗狗暫時寄養喺前度屋企，而前度都同意，不過突然間，前度同女主人講，話佢媽咪要女主人喺指定日期前將狗仔帶走，所以女主人就加快腳步搵屋啦。

呢隻疑似就係故事的主角Chibi。。(網上圖片)

疑似Chibi同女事主前男友的合照。(網上圖片)

根據女事主所講，故事並冇咁簡單，女事主前男友的媽媽竟然喺限期前將狗狗送咗俾朋友，女事主話:「至2015年12月29日晚，前男友話他媽咪已安排一位朋友的朋友做Chibi(貴婦狗名字)新主人，並於2016年1月3日接走咗Chibi。我和他多次理論但他好堅決話已經決定咗。我找到方法安頓Chibi後於12月30日通知他我會於12月31日接走Chibi，但佢竟然話我知Chibi已經俾人接走咗...」

疑似前男友媽咪。(網上圖片)

自己嘅愛犬無啦啦被一個唔識嘅第三者接走咗，女主人梗係既傷心又嬲，佢立刻同前男友理論，不過前男友媽咪好理直氣壯咁同女主人講:「佢媽咪亦都拒絕將Chibi俾返我，(佢媽咪解釋因為應承咗話送俾人，所以唔可以攞返)，最後佢話你大不了咪報警拉我。」最後女主人當然有去搵「慈母」啦，不過警方話係民事糾紛，唔受理，女主人之後亦表明狗狗身上係有晶片，晶片上嘅資料都係屬於女主人，不過警方仍然無動於衷，所以女主人最後只可以喺網上打千字文交待事情始末，讓網友分享，望拎走咗愛犬的新主人見到文章後可以俾番狗狗佢。

女事主係靚女。。(網上圖片)

事後好多網友都幫忙將呢件事分享出去，亦都好同情女主人。不過到底喺狗狗有晶片下，狗狗「撫養權」係唔係就真係可以屬於晶片所登記的主人呢？FACE Pop聯絡到非牟利獸醫服務協會，發言人Zoe表示要雙方自願釐清邊個係主人，而唔係靠晶片上所登記的主人資料，不過佢同時補充，晶片資料其實係可以更改:「有(更改晶片資料)，佢可以正途透過漁護處做番轉名手續。」而對於呢宗個案，Zoe亦認為事主應該報警。現在連警方都唔受理，睇嚟唯一解決方法，真係惟有寄望新主人願意歸還Chibi畀女事主喇。

轉載請註明來源：今天頭條