堂堂laughing哥竟然......(網上畫面)

強國節目為咗搶收視真係可以去到好盡！繼早前衛詩雅喺四川參加強國真人騷《怒放霸王花》喺嚴寒「玩命」墮冰河出事後，另一個強國真人騷《跟著貝爾去冒險》同樣非常重口味。

睇表情都知咩事啦！(網上畫面)

呢個野外求生節目謝天華都有份參加，日前播咗最後一集，雖然謝天華同張鈞甯最後勝出，不過為咗俾一班藝人有一個難忘回憶，主持人貝爾竟然要所有參賽者飲番自己啲尿，真係好重口味囉！當謝天華知道要飲尿後當堂呆咗，不過最後都係單手拎起個樽，chok住個樣將疑似嘅尿飲落肚。而呢一幕係直接播出街，真係隔住個mon都覺得勁嘔心！

呢樽係天華嘅尿，主持人話幫佢哋加咗水喎，典解咁似「菊花茶」嘅？(網上畫面)

飲喇！(網上畫面)

清曬......(網上畫面)

其他參加者都要飲。(網上畫面)

其實呢個節目不嬲都咁重口味，之後嗰11集入面，曾食活蚯蚓、生食牛內藏同竹鼠……而謝天華之前亦因為完成唔到任務受罰要接受大懲罰「糞水淋頭」。不過強國節目造假十常八九，所以有網友就覺得呢樽根本就唔係尿，話只係菊花茶喎。為咗養家，Laughing哥竟然肯飲尿，人仔真係唔易賺囉！

文章來源: https://www.twgreatdaily.com/cat99/node845143

轉載請註明來源：今天頭條