同居除咗要面對對方生活上嘅問題外，對方屋企人都係一大關。(網上圖片)

現今社會對戀愛嘅態度愈來愈開放，所以男女朋友未婚同居呢啲事已經見怪不怪，不過同居後往往都會引起好多問題，除咗有可能出現「相見好，同住難」嘅情況外，同對方家長嘅相處同樣都有可能出現問題，好似以下呢位絲打咁，就對男朋友嘅媽媽好不滿，要上討論區同其他網友大呻啦。

近日有位自稱現正在學及自認好痴身嘅絲打喺討論區開PO大呻，話同男友同居後因為經常在房間溫書而被男友媽媽微言，話佢唔幫手做家務，成個大小姐咁。(網上圖片)

近日有位自稱現正在學及自認好黐身嘅絲打喺討論區開PO大呻，話同男友同居後因為經常在房間溫書以至男友媽媽對佢有微言，話佢唔幫手做家務，成個大小姐咁。絲打話自己讀書比較忙，所以一放學就會留喺房做功課，而男朋友因為返工比較忙的關係，要每晚10點先見到面，所以絲打大部份時間都係對住男友屋企人。

今年正係絲打嘅final year，所以佢用更多時間做自己的畢業專題報告，不過同時，男友的媽媽就有微言啦:「我今年final year要做honour project(畢業專題報告)，每個星期有幾晚都係坐係(喺)部電腦前，佢阿媽已經有微言，話我淨係識得"厘"(匿)喺間房唔出黎(嚟)，喺度住又唔幫手做嚇家務，好似請咗個大小姐返屋企供奉咁。」

好多網友都叫絲打返自己屋企。(網上圖片)

男朋友當然有幫絲打解釋話因為女朋友要做功課的緣故，不過男友都有叫絲打盡量抽少少時間幫幫手，而絲打就非常唔明，點解男朋友媽媽完全唔明白自己:「其實我都唔想，但佢阿媽根本唔明我做緊d(啲)乜，同埋佢自己都唔使返工，日日做完家務就喺度睇電視煲劇，究竟我學業緊要啲定係佢屋企啲家務緊要，定係還是佢想我唔做功課，幫佢做曬啲家務等佢可以睇多啲劇?」

網友們睇完絲打嘅問題後，好多人都反問絲打「點解唔喺自己屋企住?」，都有人指出，男朋友媽媽唔係自己媽媽，所以如果絲打覺得難受，不如返自己屋企住。所謂家家有本難念的經，先唔好講絲打點解唔返自己屋企住，如果要住喺人哋屋企，又唔使佢交租的話，其實幫手做嚇家務，簡簡單單洗嚇碗都好過無呀。白食白住，伯母當然接受唔到啦！

轉載請註明來源：今天頭條