最近有男生用WhatsApp追女仔，但追唔到仲要被對方將對話放上網。(網上圖片)

追女仔方法有好多種，但時下最流行的一種，一定係用WhatsApp追，因為方便又快捷，但唔保證你一定會成功!最近有位朋友就用上WhatsApp追女仔，不過唔成功不但止，仲被對方將對話po上網，真係瘀到裂。

大家睇WhatsApp就知得一清二楚。(網上圖片)

近排網上瘋傳幾張WhatsApp對話截圖，內容係疑似一位男生正在追求女方，但女方對男生非常冷淡，及後更加冇回應男生任何提問，之後男生便瘋狂轟炸女方，女方忍唔住決定將對方截圖po上網俾大家睇。女方話個故事係咁樣展開的:「話說前日轉課室test，我一出門口，有位一齊上lecture嘅同學同我講『做個朋友』，遞咗個電話嚟，我見係同學，就俾咗個電話佢，之後佢就WhatsApp我。」

女方解釋po對話原因。(網上圖片)

男方玩WhatsApp單機模式，冇人夠你玩啦。(網上圖片)

就係呢個WhatsApp就出事啦，男生不停喺WhatsApp搵佢，但女方對佢非常冷淡，只係回應「hi」、「全名」、「係」、「唔知」同「冇點解」等，跟住男方立刻反客為主:「唔怕同你講，我完全唔覺得你有誠意去建立進一步，你知唔知中學啲女仔係同我主動打開話題，我真係咩都唔使做...(下刪幾十字)xx，既然你咁冇誠意，我都冇謂唱獨腳戲，冇謂浪費大家時間，你嗰啲所謂技巧我中學啲女同學用到爛曬，你估我睇唔出咩，我以後都唔想再見到你。」咩技巧呢想問嚇，不過唔睇埋女方點講的話，真係以為佢哋已經拍拖拖啦，女方有澄清的:「何解佢會覺得我想同佢建立進一步關係?」

女方被男方大讚有仙氣，唔怪得男方要對佢開WhatsApp單機模式啦。(網上圖片)

當大家以為故事就以完結時就大錯特錯啦，因為高潮而家先開始，男生冇因為講咗「我以後都唔想再見到你」而冇搵女方，反而主動認錯搵番對方:「Sorry，我之前語氣係重咗啲，我都知你唔開心。」跟住男生就開啟WhatsApp單機模式，喺女方完全無任何回應下，瘋狂同女方傾偈「相信你已對我冇曬幻想」「其實我覺得我哋性格好極端」「你諗嘢好理性，我諗嘢好感性」「你而家應該憎到我死」「唔出聲當你係」「不過我寧願你憎我」「我會冇咁內疚」「出句聲好唔好，搞到我自己一個自高自語」「我其實對你幾有好感，你有一種好特別嘅氣質，係出面啲女仔冇」「冇錯就係仙氣」「你係我第一個只讀不回我WhatsApp嘅人，平時係掉番轉」

疑似男方已被巴絲起底。(網上圖片)

淨睇對話內容都笑死唔少人，甚至有巴絲睇完呢幾段對話後疑似將主角們起埋底。用WhatsApp追女仔唔係唔work，只係男生好似過份進取，咁樣唔嚇親人已經要還神啦;而女方咁樣將對話公開，好似都冇顧及男方感受，甚至仲會分分鐘冒上被起底的危機，呢啲事同朋友傾嚇就算啦。

女方都坎唔甩，一樣被巴絲起底。(網上圖片)

轉載請註明來源：今天頭條