同佢結婚差不多有十年,自己搞間公司七年.七年都係蝕錢因為無錢供樓比銀行收樓,

又爭房協錢又爭卡數到零三年被申請破產之後就喺公司住.

我一路支持佢,叫佢爭氣d衰左一次唔代表呢世係咁,講完當我耳邊風一樣做一日和尚敲一日鐘

,而家爭人地廠四十萬我問佢點還,

佢話慢慢還總之年尾還幾萬就得.到亞仔出世我同佢講要打算以後生活,

有左仔唔可以再住廠要正正經經住屋,板間房都好吖.佢就無賴到講我係咁你咁叻你去做,呢頭家靠你嗱.我真係好心痛個仔有d咁嘅老豆,點解佢咁不負責任講呢d說話,呢七年我同佢捱生捱死,日日個銀包唔過三十,想買個麵包都諗一陣,一年瘦過一年.陀仔時,

因為作小產醫生叫我唔好返工要休息下同埋要增磅,我都係食隻雞蛋+幾片白麵包,一盒鮮奶,就係我懷孕期'補品'.

體重一路下降醫生都話有無搞錯,要食多d有營養食物bb先長.

我成十年無比錢過我媽,相反仲比錢我,叫我買d野食下,我一直替佢隱瞞d衰野我媽咪都唔知老公破產,只係以為我地生意唔好.到bb出世,我媽咪比左五萬我,話bb多病痛,要起有事都有個錢同佢去睇醫生.

但係呢五萬貼貼下都無淨,有晚個仔發燒,佢又要學人去私家醫院,問99借左一千蚊,去到醫院要留院,唔夠錢比按金,即刻打電話99,要佢黎look卡,我果刻我好難受無地自容,大人大姐幾千蚊按金都無仲要叫救兵.

我苦口婆心同老公講咁樣唔係辦法,

不如執左間公司出去打份工,有固定收入,第時bb出世樣樣都係錢,邊到有咁多錢?佢話得喇,為左bb我會努力咁做野,我改過.我聽到真係好開心以為佢肯為個bb而改變,咁有好日子過了.

點知一日復一日,又係一pat屎咁,佢係好勤力不過係上咸網,打飛機,情願打飛機都唔用d時間做下野(佢話收左工唔想再做要relax下)我話你而家無未出盡力做,唔同人地一日真係做足工作.bb出世到而家一年,

我地未有夫妻生活,晚晚喺佢間房扮做野實則自己打飛機.(因為有幾次被我撞破)點解有一個唔長進老公?我唔係要佢飛皇謄達,只係改善生活啫!!!!!成日話我咁有本事你去改,我話你食軟飯呀,佢話食!有人養唔好咩.我好傷心....想離婚,但佢本質唔差,好純品一個人,唔知點好,我想離婚然後申公屋,自己搵份野做湊大個仔

轉載請註明來源：今天頭條