坤哥以樂壇新人身份連擸「我最喜愛的男歌手」同「我最喜愛的歌曲」，樂壇大豐收，坤哥梗係笑到見牙唔見眼！

捱出頭 最錫阿媽阿妹 老竇包二奶走佬

坤哥靠阿媽攞綜援養大

今期風頭躉仲唔係靠「毒」上位嘅坤哥吳業坤？《叱吒》連擸 3個大獎成為大羸家，身穿窄身褲喺台上仲激動到「動 L」添！作為樂壇新人有咁好成績，坤哥台上喊爆人之常情，眼淚背後原來仲收埋咗一段辛酸身世！

父母十幾年前離婚，原因係老竇包二奶，仲決絕到拋低坤哥一家三口走人！吳媽媽獨力難撐，據知自坤哥升上中學後，一家三口就靠攞綜援支撐，直到坤哥巨聲幫出道後因收入超額先唔使再攞！家陣坤哥捱出頭，騷價仲升到 6萬高位，搵到錢梗係第一時間孝順吳媽媽啦！

坤哥風頭勢不可擋，繼早前《勁歌》同《新城》奪得新人金獎後，再喺上週五（ 1日）《叱吒》連奪「生力軍金獎」、「我最喜愛的男歌手」同「我最喜愛的歌曲」三個大獎，仲在台上「動 L」，坤哥果然每次都帶俾大家無限驚喜！

坤哥同吳媽媽相依為命，最近人氣急升，收入多咗，仲第一時間帶佢去食好西，當媽媽係寶！《蘋果日報》圖片

雖然被老竇拋棄，不過坤哥同媽媽、妹妹嘅感情卻有增冇減，不時 po相曬親情！ 拋低一家三口

身為樂壇新人嘅坤哥，今年破天荒揮低張敬軒、 Eason奪得「我最喜愛的男歌手」，台上除咗激凸「動 L」仲喊足全程，網民都勁 like佢真性情！

屋邨長大的坤哥，並唔係樂富區出身，實情在屯門區長大，而父母喺十幾年前已離婚，坤哥早前亦自爆同老竇關係麻麻，一年只見兩三次，原來因為老竇包二奶，當時仲絕情到拋低坤哥一家三口閃人！被老公狠心拋棄，吳媽媽獨力養起坤哥同妹妹。據知自坤哥升上聖文德書院後，吳媽媽開始靠攞綜援支撐，直至坤哥以巨聲幫出道後，因收入超過領取綜援的上限，吳媽媽先唔使再攞綜援，而坤哥收入亦開始上軌道。

叱吒夜 3助手送返公屋頒獎禮成績驚人，唱片公司當佢神咁拜，派出 3位助手貼身護送返屋企，嘩……

三個星期前，坤哥仲係自己孭住支吉他返屋企。 今年開紅館？

出道 5年，坤哥先以新人進軍樂壇，成績仲喜出望外，喺多個頒獎禮奪得多個大獎，唱片公司高層 Tommy更揚言要幫坤哥開紅館騷，「當然唔排除呢個可能性啦！你都知道紅館個期都好難攞嘅！但的確今年想同佢做一個個人演唱會嘅！」

人氣急升，坤哥騷價亦 12倍跳升，升至 6萬高位，同許廷鏗和鄭俊弘睇齊！家下坤哥有「錢」途，吳媽媽梗係可以享下仔福啦！

坤哥同媽媽合照，呢張仲 tag咗「重遊舊地」，即係屯門區。（網上圖片）

坤哥經常拍片 po上網呃 like，呢首〈單車〉仲指明係唱俾爸爸聽。（網上圖片）

升呢後的坤哥，週日出席唱片公司老闆 Tommy（右）婚宴時，更獲大老闆薛濟傑（左）出場接待，足見地位。 祖兒當 Mag透明

娛圈不時傳出不和傳聞，好似天后祖兒同林欣彤咁，拍《 Diva》嗰陣已經傳出唔啱嘴形。《叱吒》慶功宴上，大會叫英皇歌手合照，兩個明明企埋一齊，祖兒都可以當佢透明唔存在！

明明一張大合照，祖兒勁開心，但阿 Mag就好似吳若希嘅攝石人一樣，亂入一樣。

Mag企正祖兒隔籬，祖兒咁啱又攞個背脊「得」住佢，眼尾都冇望過佢。

慶功宴上， Mag只係自己匿埋一邊食嘢。

轉載請註明來源：今天頭條