有傳李克勤將會參加《我是歌手4》，有冇機會好似宇宙漿咁爆紅「全世界」先？（網上圖片）
呢個年代，識賺一定賺人仔。強國電視台出手闊綽人所共知，台星港星仆到北上接拍真人騷，十集八集就可以穩袋百萬甚至千萬收入，仲可以趁機打開知名度接埋商演開巡迴騷，24歲宇宙漿香港個複式單位都係咁樣賺番嚟㗎咋！
《蒙面歌王》白棱鏡。（網上圖片）
之後都食住個勢蒙過面出騷。（網上圖片）
啱啱大宇宙漿一倍嘅李克勤去年化身「白棱鏡」參加《蒙面歌王》，雖然「他有李克勤的味道，但他一定不是李克勤，他比李克勤年輕」經典金句被人笑到面黃，不過今日有內地傳媒爆料，指克勤將會成為唯一香港代表、參加《我是歌手4》，同天后李玟、情歌王子張信哲、台灣唱作才女徐佳瑩、搖滾歌手「信」蘇見信一決高下。嘩，事隔半年再戰歌唱比賽，克勤係咪想好似阿漿咁一戰成名先？
《我是歌手3》參賽歌手Alin。（網上圖片）
舊年曾經傳出克勤出演《蒙面歌王》酬勞高達750萬，當時佢否認傳聞，不過就坦承價錢合理，又指自己身為人父「要搵飯食」，仲話有機會再參賽：「我恨錢呀，不過都驚人話我做乜咁戰鬥格。」口裡說不，身體卻很誠實。
轉載請註明來源：今天頭條