視後定欣今晚心情勁靚，主人家上身滿場飛。

榮升視後慨胡定欣最近老是常出現，忙完好姊妹胡杏兒慨婚禮後，幾乎每隔幾日就見到佢出席公開活動搵真銀。

捉實溫家偉。

攬實譚凱琪。

今晚胡定欣喺尖沙咀請食飯，慰勞《鬼同你OT》台前幕後一眾工作人員。不過套劇播完半年喇喎，依家先嚟慶功慨？視後坦言貴人事忙：「因為我開緊劇呀，其他同事又有佢哋慨忙，終於抽到今日可以一齊食飯。其實今日本身系我同阿田一齊請大家食飯，不過阿田有嘢做，最後唔能夠出席，我頂住啦！」

不停乾杯。

去到邊都系焦點。

相信阿田可以放心，因為今時今日霸氣十足慨定欣已經可以一個人撐足全場，見佢全晚心情勁靚滿場飛，主動攞手機同工作人員玩selfie、又拎住杯紅酒四圍敬酒，呢啲咪視後慨氣派囉。

慰勞工作人員。

原定7點零開始慨飯局，等了又等都唔見男主角陳豪爸爸，大遲到慨阿Mo八點幾終於現身。面對一陣噓聲，阿Mo照單全收，仲好淡定咁話：「哈哈哈哈，啱啱喺正呢段時間，因為我BB七點鐘要瞓覺。（會唔會影響到工作？）冇冇冇，呢啲咁casual慨（飯局），冇乜所謂慨。」屋企四個BB(大仔Aiden、細仔Lucas，陳太Aimee加埋肚入面個B)先至繫心肝寶貝！

陳豪遲大到。

轉載請註明來源：今天頭條