是咁的, 小弟閒來會上Youtube睇下達哥, 笑下佢卡關輕鬆下咁樣,

事源早排我等條女放工時, 無聊就係手機睇返達哥玩GTA啲戇鳩嘢, 睇到連女朋友到咗都唔知,

佢好好奇點解我會睇得咁入神, 於是就同我一齊睇咗陣, 點知不睇猶自可, 佢睇完之後竟然覺得非常好笑, 仲捉住我煲返達哥啲舊片。

咁開頭我梗係好樂意向女友推介啦, 屌, 點知咁先係我惡夢嘅開始。

自從睇完達哥D片之後, 我條女就經常性使用卡關達嘅口頭憚,

例如上個禮排我地去宜家食嘢, 前面有條仔唔小心成碟肉丸甩手飛向地面,

我條女竟然用0.99秒嘅反應叫咗一聲: 「轟呀！！」

仆你個街, 人地已經跌咗碟野食好撚慘架啦, 你都唔使幫佢配埋音掛！

算, 我當時都安撫自己, 你女友笑鳩人啫, 其實抽離D睇都幾好笑呀,

直至擒日, 我同佢係旺角食完飯行完街, 正打算行去彌敦道個巴士站, 點知見到有架車打算埋站, 如果上唔到就要等多三四個字,

我條女見狀即刻保特上身, 拔足狂奔, 連我反應都慢咗半拍,

點知佢一路跑, 就一路轉頭向我大叫: 「契弟走得摩！！！！」

係短短幾秒嘅時間入面, 我清晰見到彌敦道上麻甩佬們同時望向我, 同時女友長髮飄揚嘅側面竟然同達哥重疊係一齊。

上到車, 我條女喘住氣同我講: 「嘩會唔會太勁！」

係嗰一刻, 我條女個樣正式變成達哥, 我冇辦法再抽離到, 每次佢一拖我, 我就覺得好似係達哥拖住我隻手咁, 好撚唔舒服:-(

咁多位巴打, 我究竟應該點做

文章來源: https://www.twgreatdaily.com/cat99/node818419

轉載請註明來源：今天頭條