（網絡圖片） 【希望之聲2015年12月29日訊】（本台記者梁路思綜合報道）綽號「上海仔」的香港江湖人物郭永鴻，原本今日召開記招，揚言要爆料2012年香港行政長官選舉期間的「江湖飯局」內情，結果記招突然取消。 郭永鴻的記招原本今日下午1點舉行，但在開始的前十多分鐘，郭永鴻一方突然取消，舉辦記招的公關公司負責人林子斌宣布，「因發生了一些事」。

林子斌透露，當時見到由速遞員送達的2封律師信，他理解是發給郭永鴻，他未有閱讀，亦沒透露律師信由何人發出。林子斌說他今天未見到郭永鴻，與他以電話聯絡，他不肯定郭永鴻是否身在香港。 郭永鴻在採訪通知中表示，今次的記招除了回應近日傳媒報道外，更會大爆2012年特首選舉期間，流浮山「江湖飯局」的內情。他指近日有關他的報道失實，需要澄清。

郭永鴻口中的「江湖飯局」，指的就是2012年香港特首選舉期間，多名梁振英的支持者及競選辦主任羅范椒芬、副主任劉炳章、明天更好基金行政總裁鄧淑德、時任中共政協委員劉夢熊等，在元朗流浮山小桃園酒家設下飯局，據聞希望遊說新界地方勢力人士放棄支持梁的對手唐英年，郭永鴻當時突然現身飯局，引社會嘩然，各界指控梁振英涉「黑金政治」。 本月20日下午，郭永鴻在香港半島酒店遇襲受傷，郭之後否認遇襲，聲稱自己撞到檯角受傷。最近有報道指， 「上海仔」涉嫌以貼街招及短訊方式，恐嚇城中富豪。

二千古惑仔圍警察 串咀上海仔：「我好高調咩？我上香之嘛。」

原名郭永鴻的和勝和猛人上海仔，早排喺殯儀館做大 show，二千幾個古惑仔包圍警察，佢就輕輕鬆鬆壓軸出場：「我好高調咩？我上香之嘛。」激到大 sir指住佢鬧：「咪當自己紳士先得㗎。」

話口未完，佢又出事啦，週日（ 12月 20日）下午，上海仔在尖沙咀半島酒店 high tea期間，突然遇襲受傷。其後有傳媒報導，指有刀手持七吋刀向上海仔施襲，事件震驚整個黑道。

見佢呢排紅，可能有著數，加上江湖兄弟講義氣㗎嘛，爆哥即刻去醫院探望佢，上海仔身邊人透露，當時上海仔同一個朋友喺半島酒店傾緊偈，點知愈傾愈扯火，其後雙方發生爭執，對方隨手在檯面拿了件嘢敲過去，上海仔反應快，及時用手上酒杯阻擋，玻璃杯打爛被碎片界傷塊面，他其後被送到養和醫院，縫了一針。事件並不涉及江湖仇殺，是個人糾紛。

爆哥去到養和醫院私家病房，當時已有五名大隻佬護法喺門外戒備，氣氛緊張，其間陸續有親友到場探望；另外，大約二十名反黑探員來到想落口供。唉，有錢就真係巴之閉。

新界影子車牌橫行

喺新界圍村，一個人有幾部車代步，一啲都唔出奇，但爆哥覺得奇就奇在佢哋一個車牌套落幾部車。爆哥行經上水歌賦嶺，見到車牌「 LB17」，同一個號碼，分別套用喺一部豐田七人車和一部鈴木吉普車上面，車主係住附近嘅公屋居民。玩分身咁搞嘢，睇番運輸署資料，呢個車牌淨係登記豐田架車咋喎，嗱，呢招好多圍村人都試過，爆哥早前踢爆，舊年率領古惑仔「圍蘋」，來自屏山「大頭文」廖達文，亦是一個車牌套用兩部車上。

爆哥問另一老友大律師陸偉雄咁樣得唔得，佢話：「即使不在道路，我假設汽車停泊在私人地方或者是停車場，個牌是假的，影子車牌即是假牌，都是犯法。」

唔係眼花，係一牌二車共享。 翁靜晶變黃大仙

呢一年翁靜晶真係攞曬彩，爆出艷尼嫁假和尚醜聞，兼不足半年 KO定慧寺住持釋智定，踢佢出董事局，傳媒、網民幫佢起朵，叫佢做「惹火人物」、「烈女」。爆哥搵佢吹水，先知近排佢做埋「娛圈黃大仙」，原來最近有個「娛圈大嫂」，煩緊同子女爭家產，唔知點算好，其實呢單嘢廿年前已經街知巷聞，而家仲傾唔成。娛圈大嫂睇中翁靜晶係律師又識法律，欣賞佢搞定慧寺單案搞到有聲有色，於是周圍託朋友幫佢傳口訊，仲搵埋翁靜晶老友幫口，翁靜晶講：「有人話呢個大家族會有很多律師費，但我一再重申，我退咗休。」翁靜晶居然托手踭，據聞對方都唔多 like，連累佢老友都俾對方狂鬧喎。

最搞笑係娛圈當佢黃大仙有求必應，網民都當佢生神仙，例如冇錢供樓、臨時租約出問題，又關翁靜晶事，佢話：「網民被人收樓，問我可唔可以代表佢搵執達吏傾。」網民可能覺得搵政府都嘥氣，惟有求助翁靜晶囉。

文章來源: https://www.twgreatdaily.com/cat99/node818345

轉載請註明來源：今天頭條