我有點迷汒⋯⋯其實我仲有冇機會？

或者簡單講下事件嘅背景⋯⋯

我畢業後出黎工作左幾年，每日返工都會係同一個時間，同一個地鐵月台位置轉車。

一年半前我係呢個位置遇到一個女仔，佢同佢朋友每日都係呢個時間位置一齊轉車，而我會早佢幾個站下車。

唔知幾時開始我就好留意呢個女仔，大概比佢嘅笑容同神態吸引住，慢慢就對呢個女仔有好感。

呢種覺感越黎越強烈，所以某一日我就鼓起勇氣，當住佢朋友面前比左張心意卡想識佢；

其實嗰刻個腦真係一片空白，我係臨下車嘅時候比佢，佢接左之後我就轉身下車⋯

第二日佢同佢朋友照常都係同一個位置，搭埋同一班車，沒刻意避開我⋯⋯

但同估計中一樣，佢都係沒有回應⋯⋯始終我係一個陌生人⋯⋯

其實我好想上前同佢講野，但佢朋友係度，而我本身講野又唔係叻嘅人，實在應付唔到兩個人

驚破壞氣氛⋯嚇走佢以後見唔到仲衰。

大概見多佢兩三個星期就冇再見佢出現⋯⋯而我亦覺得好遺憾點解冇同佢講野⋯⋯

全個相遇時間我諗大概有半年，由冬季衫到著夏季衫。

由頭到尾我唔係因為想像到個女仔好好所以想識佢，而我好想証實我呢種咁強烈嘅感覺，好想去了解呢個女仔⋯

----

之後，我依然都係搭返同一時間，同一個車廂，但冇再遇到一個比我咁強烈覺感嘅女仔⋯

就係上個星期，我係同一個時間地點遇返佢⋯

係等車嘅時候，我係玻璃幕門嘅倒影見到佢，我以為自已眼花，如果真係佢，我都唔知點好⋯一切都太突然⋯

上到車，正想搵下佢企邊嘅時候，佢已經企左係我身邊⋯

呢次得佢一個人，一個眼神接觸，我就開始同佢講野⋯⋯

大概講左佢依+係邊返工嗰啲⋯

第二日我都見到佢，仲問佢攞左電話⋯

佢話依幾日先返依個時間，之後都會早返十幾分鐘上車。

所以我都早左啲返工⋯

---

往後幾日我都有等佢搭同一班車，Whatapp都有傾計，

可能我係白羊座性格，做嘅野太明顯太進取太刻意

佢天秤座，搞到佢有啲壓力同怕左我 (我覺得)

所以搭左幾日就冇同佢再搭，因為佢話覺得好怪⋯

Whatapp都開始好冷淡 (或者佢工作忙，我聽佢講都覺得忙到死)

最後佢話佢有野煩緊，想靜下，唔關我嘅問題事⋯

問佢發生咩事佢都有啲介心，話佢自己可以搞得掂，冇講我知咩事⋯

聽我朋友嘅意見，要由朋友做起，所以諗住停一兩個星期唔講野住，比大家冷靜下⋯⋯

我唔知自己係唔係已經被討厭左，再冇機會，

其實呢刻做唔做到情侶我都唔介意，因為一開始都冇想像過會見返呢個女仔，但我真係唔想搞到依+咁嘅狀況⋯⋯

我好迷汒⋯唔知可以點做⋯

轉載請註明來源：今天頭條