是咁的,

我條女好L中意去SNAP乜乜乜個D影相,

去一次我都OK, 至慘係佢每個月都話想試唔同主題房....

我呢D窮鬼學生仔,番PT得丁點收入, 每到月尾都所剩冇幾啦

佢住觀塘,咁我早幾日同佢係APM 食完TEA,銀包得番$215.3咋,

佢要去自拍館玩,我咪諗住平平地去觀塘個間3D相館玩囉, 佢又未去過呢間,

大佬,人地95蚊可以玩兩個鐘,我諗住條女會影餐飽架嘛!

點知由推門個一刻佢就黑口黑面, 職員話95蚊一位,

我條女就無啦啦彈左句「咁cheap ge!」出黎...

我果刻只可以傻笑遮醜..

我心諗...e+又唔係你俾錢, 同埋人地小本經營你識條春咩!

入到去見到d 3d畫都幾得意, 我話幫佢影叫佢埋位擺甫士

佢就自己走左去自拍房, 我跟埋入去啦, 問佢做乜唔影3d畫呀,

佢竟然答我「你咁中意影咪自己影個夠, 我一早就話左隻影自拍!」

佢成日貪果d自拍館有衫換但係呢一間冇,

小姐啊! 你估d衫好乾淨咩, 都俾左錢入黎啦, 人地有3間房, 又有3d畫俾你影, 乜都夠你玩啦

出街都係想開開心心, 佢又無理取鬧, 係自拍房入面嘈, 搞到其他客望住曬, 超尷尬...

佢e+因為咁小事就幾日唔應機, 又話要分手!

我應該點做???

理財Campus：80後情侶投資未來 自製平價浪漫 「理性」約會用盡優惠

阿Ming直言，拍拖首年，未計其他消費，兩人用膳的支出每月至少逾2,000元。雖然Rainbow拍拖支出未有太多，不過亦曾在阿Ming生日時預訂一間酒店房為他慶祝。

後來，兩人發現不能如此下去，決定回復「理性」，實行做對精明「慳家情侶」。Rainbow表示，「依家午餐就一齊食飯，晚餐各自番屋企食，同埋會搵啲又抵又好食的餐廳，好似荃灣、葵涌、西灣河的地區都係美食區。」

郊遊寫生互訴愛意

他們拍拖節省亦不失浪漫。「放假鍾意去嚇郊外、行山、野餐、露營，又或者參加網上或雜誌提供的免費試玩活動。睇戲就會揀早場或者申請送戲票的信用卡。」兩人訪問當日計劃於西貢大灘燒烤兼露營，阿Ming更即席寫生，繪畫一張Rainbow坐在樹下的畫，寫意得很。

香港情侶最愛旅行，阿Ming和Rainbow會多做功課慳旅費。「以前去旅行唔睇價錢，去澳門可能訂好貴的酒店，唔理有無優惠，依家去會睇有無信用卡優惠，坐廉航同埋利用不同的酒店格價網。」平日消費他們亦會儲飛行里數，簽帳約一年已獲台灣機票一張。

改變拍拖模式，令他們的拍拖支出每月減少約2,000元，現金儲蓄出現明顯的增長，且隨著收入增加，每月儲蓄由幾千元增加至萬幾元。二人努力儲蓄約兩年半，雖未有透露實際總金額，惟目標是下年能置業。

自從兩人開始拍平拖，拍拖活動多姿多采，感情有增無減，更於今年復活節建立Facebook粉絲頁《情侶檔‧拍平拖包膠（報告）》，分享二人的拍拖活動、推介餐廳、商場活動優惠等，教情侶們如何拍平拖。建立短短六個月，已有逾6,000個讚。

月儲一千 十年滾存15萬

年輕人拍拖，或會過分忘我而不惜「傾家蕩產」。想拍得甜蜜，又保住銀包亦非難事，康宏理財助理聯席董事黃惠儀可分享心得。

黃惠儀表示，拍拖最大支出是出外用餐，一星期兩至三次到餐廳食飯，一般消費亦要600至700元，但食方面較難慳，故可從拍拖活動方面入手，如到戶外活動減消費。

「情侶拍拖行山入夜可睇星星，沙灘就可在沙上畫個心。」她指，不少商店或旅遊景點提供生日優惠，如海洋公園等。她憶述，「旅行時我預先同酒店講伴侶生日，酒店安排免費蛋糕，對方都好驚喜。其實可以喺生日旅行之前提早聯絡酒店或航空公司，有機會升級房間、機位或者送蛋糕。」

建立儲蓄目標

她表示，情侶可考慮訂立短線及長線的儲蓄目標，如短線的是一起儲錢去旅行，長線就可能是五年內結婚等。「有目標就有動力開源節流，亦減少爭吵。如大家訂某星期日限使200元，喺限定資金下諗嚇做乜，其實都好有情趣。」

不要輕視儲蓄及投資的重要性，若每月儲1,000元，10年便儲得12萬。若加上每年投資獲5%利潤，複息效應下，升值至15.6萬元。試想若把這1,000元用來娛樂的話，便沒有增值的可能了！

拍平拖10大TIPS

‧燭光晚餐轉為午餐撐檯腳

‧到平價地區如荃灣、葵涌區拍拖

‧減少高消費活動，改為郊外、離島遊

‧留意網上或雜誌提供的免費試玩活動

‧旅行主攻廉航，做足格價功課

‧碌卡儲飛行里數，慳旅費

‧大時大節在家煮飯仔

‧留意信用卡消費優惠

‧減少購買名牌服飾

‧睇戲睇早場

轉載請註明來源：今天頭條