雖然講出黎可能會比人插, 不過我真係好煩惱...

我有個穩定交往左6年嘅男朋友,

佢係個普通officer, 搵得唔算多, 性格係乖仔+宅男, 唔煙唔蒲唔賭,

同佢一齊雖然冇乜特別開心感覺, 不過係佢面前可以做自己,

我一直都以為我會同佢結婚過人世, 但好多事都係自己意料之外...

機緣巧合識左2個好有趣嘅人,

一個係我公司嘅客, 簡稱Z, Z係我跟我boss見客果陣識嘅,

開頭交換電話其實都係為左公事, 但慢慢Z開始主動撩我傾計,

傾落計覺得Z個人識好多野, 而且好風趣幽默,

每次Z分享去唔同國家嘅所見所聞, 我都會聽得津津有味,

私底下亦同Z食過幾次飯, 出過幾次街, 佢攬我條腰我都冇縮到,

再跟住大家講野開始越黎越放, 甚至講埋啲有性暗示嘅說話...

另一個曖昧緊嘅人係個TB, 簡稱Y,

Y係我fd搭fd咁識嘅, Y係酒吧做嘅,

果陣成班fd去佢做間酒吧飲酒識嘅,

相處落覺得Y雖然性格硬朗, 但其實佢情感好細膩,

只要我心情有少少變化, Y都好似知道咁, 會用佢嘅辦法安慰我,

慢慢我好似好依賴佢, 有咩唔開心第一個都會諗起佢,

對佢由開始有點距離, 變到而家咁close, 甚至有埋好親密接觸,

而每次同Y單獨見面果陣, 佢都會準備好多surprise,

好似買花, 自製朱古力, DIY唔同小禮物比我,

就算係買零食或者買衫, 都會自己重新包裝過先送比我,

又會講好多甜言蜜語哄我......

我依家真係唔知點做好,

其實我覺得我好似中意X同Y多過中意我男朋友,

但又覺得咁對我男朋友好似唔係咁好...

文章來源: https://www.twgreatdaily.com/cat99/node811920

轉載請註明來源：今天頭條