是咁的 我同我另一半都係係交友apps都識，之後無耐就一齊左。

一齊之前佢都有講佢既情屎，拍左四次拖，每次都幾年，對上一次已經係四年前。

佢仲有講佢呢四年都係去玩，食唔小男/女，話直至遇到我，開始想再認真對代感情。

我同佢一齊左已經有三個月，仲係係互相了解緊既階段， 佢聲稱愛我，但對於一向對男/女仔無乜信心既我，都仲係處於半信半疑既狀態。

呢三個月 佢都對我十分好，會等我收工，會煮野我食，會帶我去見佢屋企人，比好多信心我，一啲唔似曾經出去玩同玩弄感情既人，所以信心又返左小小黎。有次佢話出去飲野我都好放心，因為我開始相信呢段關係。

係我同佢一齊左一個星期既時候，我同佢食飯咁岩講到交友apps既問題，佢應承左我唔會再玩，原因係有次我電話彈左個交友apps既通知出黎，話佢上左線，即係佢開左個apps黎玩喇，佢知道之後，我同佢都del左個apps。

直至琴日平安夜我同佢同班朋友出去飲野，佢一直係我隔離玩電話，咁我同佢都坐得好埋下，佢電話無喇喇響左一聲，我以為自己電話響就望左埋去，點知原來係佢電話既另一個交友apps既通知。當時佢唔知我睇到，所以佢都未知我知佢有玩。

唉 我是咪自己攞黎

轉載請註明來源：今天頭條