在網上自稱劉馬車的男子，在廣州遇襲受傷。原名劉駿軒的劉馬車，聲稱昨日凌晨被友人相約到廣州太平沙消夜，惟抵達時，才發現已有十多名年約十多至二十歲的男子在場，當中更有非洲籍人士，期間有人大叫：「劉馬車，你仲敢返嚟大陸，你唔係鬧我哋咩！」隨即向他拳打腳踢。

疑唱衰內地人惹禍

「佢哋集中打頭同面！」劉馬車形容對方施襲期間，路邊亦有不少人走出來「加多一腳」，由於他全無反抗的能力，最終要待對方打到夠停手。傍晚帶傷返港的劉馬車展示傷勢，可見他左額腫起，面部亦有不少傷痕。他懷疑事件與他早前曾經拍片「唱衰」內地人有關。「中國人就係唔鍾意畀人話，不過我唔驚，繼續會返大陸。」

事發後劉馬車一度到內地醫院檢查，初步發現他腦部有輕微震盪。由於仍覺得呼吸困難，他回港後已馬上求診。

不過，劉馬車遇襲卻得不到網友同情，由於他遇襲後隨即拍照上載，更聲稱遭四、五十個襲擊，其留言一出，惹來網友批評，甚至諷刺他傷勢輕微。

今日（12月22日）有網民喺微信發現，劉馬車話自己喺廣州太平沙，俾50幾個人拳打腳踢，仲用玻璃樽爆頭，又話自己「鼻爆了，眼角也爆了，毀容了，我告訴你們，我不怕比（俾）人打，只怕比（俾）人繼續誤會，我想講，我是中國人！！！」喎……

雖然咁樣好衰，不過《壹》仔都想問：點解俾人用玻璃樽爆完頭，會係人中同塊面流血呢？

冇耐網民就發現，劉馬車又喺微信出相，話自己決定自殺，「各位中國的同胞，可愛的妹妹，再見了，永別了，下世見」，乜乜乜，悲情到呢。

不過好多香港網民，似乎好開心見到劉馬車被打，留言話「好遺憾! 唔夠爆! 咀冇歪! 牙又未甩哂! 四肢還健全，仲識玩自拍!」「做假都做得專業d（啲），班老臨打人唔該比d（啲）heart，50人打1個都仲可以打到字，佢哋對唔對得住佢哋自己」、「墮天地獄獸都比人打到咁，對手係咩獸？」「係烏龜獸定噴火獸做嘅？唔怕講喎」。

話說劉馬車最後一次喺YouTube拍片，已經係6日前嘅事。條片以「猜猜我是誰」為題，然後一直影住佢敷面膜（有網民話佢係濕紙巾扮面膜）。馬車，你有冇事呀？快啲上水拍片啦，大家都好擔心你。

網絡紅人、原名劉駿軒的「劉馬車」，在廣州遇襲受傷。他聲稱昨日凌晨被友人相約到廣州太平沙消夜，惟抵達時，才發現已有10多名年約10多至20歲的男子埋伏在場，當中更有非洲籍人士，期間有人大叫：「劉馬車，你仲敢返嚟大陸，你唔係鬧我哋咩」，隨即向他拳打腳踢。

劉馬車形容對方施襲期間，路邊亦有不少人走出「加多一腳」，由於他全無反抗能力，最終要待對方打夠才停手。昨傍晚他帶傷返港，即到醫院求醫。劉馬車展示其傷勢，可見他左額腫起，面部亦有不少傷痕。他懷疑事件與他早前曾拍片「唱衰」內地人有關，不過他似乎不太擔心，直言︰「中國人就係唔鍾意畀人話，不過我唔驚，繼續會返大陸」。

事發後劉馬車一度到內地醫院檢查，初步發現他腦部有輕微震盪，由於至今仍覺得呼吸困難，回港後他已馬上求診。不過劉馬車遇襲卻得不到網民同情，由於他遇襲後隨即拍照上載網上，更聲稱遭多人襲擊，其留言一出，惹來網民批評，甚至諷刺他傷勢「太過輕微」。

「劉馬車」，本名劉駿軒，2011年12月因以「adason0415」的帳號在YouTube不斷拍片自稱三合會成員及恐嚇一名石姓人士，而受到網民關注。唯該帳戶被指屢次嚴重違反YouTube的《社群指南》，以及/或屢次侵犯版權，已在2012年9月遭到停權。

2012年11月，「劉馬車」因向女同學求愛不遂，聲稱要「血洗校園」而被判感化，他的網名及後更「榮登」Yahoo!香港熱門搜尋字眼。他在感化期間在YouTube上載恐嚇感化官片段，再度被捕，後被判入更生中心。

「劉馬車」於2013年在YouTube開設多個帳號上傳影片，包括「天水圍陳浩南」(已在2013年6月遭到停權)、「劉馬車」(已停權)、「洪興分部」(現名製作黑人)等。

「劉馬車」閒時熱愛唱歌，亦愛自行創作歌曲和填詞，並會將之拍成影片上傳至 YouTube，大部份網民都對劉馬車的歌聲賦予正面評價。而「劉馬車」亦是羅力威的支持者，並於房間貼滿了他的海報以及曾經一起公開合唱。

轉載請註明來源：今天頭條