5個同事一齊食老麥, 其中一對係情侶(開始咗無耐), 個女仔話熱氣, 將包薯條俾咗個男仔, 但個男仔自己已有一包又知我鐘意食, 問我要唔要, 我唸住食得唔好嘥, 咪話 「好呀多謝!」 點知個女仔講咗句 「嚇…搞錯呀…」

我以為佢介意個男仔將包薯條俾咗我, 又或者覺得佢哋唔要都唔應該塞俾我….我仲話 「唔緊要啦, 食得唔好嘥嘛…..」 點知個女仔竟然話 」我哋唔食啫, 但數還數嘛, 同事都應該計返錢!」

我嗰刻呆咗兩秒, 其他人包括個男仔都O曬咀, 跟住我響銀包攞咗個10蚊大餅出嚟, 個男仔即刻打圓場話 「咪癲啦! 講笑咋!」 點知個女仔真係伸手嚟攞咗, 仲話 「你唔要, 我要! HeeHee!」

我到依家仲懷念緊佢當時得意洋洋個樣, 同埋個男仔想搵窿捐個樣……做咗同事年幾, 今日先見識到佢呢一面, 唔知個男仔…..祝佢好運!

轉載請註明來源：今天頭條