天氣咁凍，好想暖笠笠，沖番個涼先得！

身邊朋友愛問有甚麼擇偶條件，總認為洪永城一定要在黃翠如與唐詩詠之間二選一，其實呢個世界好大。選女友又話要夠纖瘦，只是冬天遠足又嫌凍到嘔，一個男人走到廿幾三十歲，青蔥歲月慢慢消逝，年輕俊悄再無號召力，每逢佳節怕單身，那一夜獨自飲啤酒，沉思半晚，是時候修心養性，找一位有內涵、夠忠誠的女人。

能夠尋覓一位肯挨麥記的女人，她會顧全面子、食飯經濟實惠，薯條漢堡也好好味，諗得過！但找到一個家裡仍堅持使用儲水式熱水爐的女人，更加娶得過！

【原因一：慳水又慳電】

選用儲水式電熱水爐，由於電熱水爐傳熱效率較高，加熱速度快，能有效節省能源。尤其用花灑式電熱水爐作花灑淋浴的人，比起浸浴節省大量水源。一個月少則慳幾十蚊，甚至慳逾百元，一年隨時節省逾千元水電費，去個短線旅行都得。

【原因二：聰明夠醒目】

正所謂「三分鐘熱度」，在寒冷天氣警告生效下，如何把握三分鐘熱水淋浴是一門學問。三分鐘內，一手拿著花灑，一手調較開關掣，每隔兩秒望向溫度計，轉數要夠快，出水要夠準，才能避免沖凍水涼。

【原因三：盡責有交帶】

要將電熱水爐內的水加熱，一般需時15至20分鐘，每次使用完畢後，大多數人都會「翻煲」熱水，讓下一位家庭成員或伴侶使用。有些女士更只用冷水洗頭抹面，然後上班，好讓其他人縮短輪候時間，真係唔話得呀！

【原因四：肯搏兼肯捱】

居住舊式公屋或村屋的人，冬天沖涼有如經歷「生死時速」，寒風從窗邊空隙吹入，熱水卻飛快地變成冷水。不過，學鄭伊麵話齋：「你漸變『少』我強大」，‬有人更發明「一分鐘沖涼大法」，先將沐浴液塗滿全身，再用一分鐘時間花灑淋浴兼順便洗頭，需要一定速度和膽量。

【原因五：準時好女人】

由於電熱水爐供應熱水量較少，大大縮短在廁所逗留的時間，無需再浪費時間在淋浴時唱歌、睇片、胡思亂想，盡快沖涼化妝出門口，減少因遲到而引起的雙方不滿，為約會營造良好氣氛，亦可減低男友因等待女友在路口吸菸的機會。

如果女友肯陪男友老麥叫感動，那麼，願意一生用儲水式電熱水爐的女人，一定會令你一世感動，娶得過。

轉載請註明來源：今天頭條