是咁的，我讀U時嘅室友近排聯絡返我話自己打算結婚

佢話自己男朋友出黎工作幾年，人工係高過佢嘅，工作能力都唔錯，可以話係有前途

佢本人條件麻麻，樣貌普通，人工普通，但家境唔錯

又未去到大富大貴果d，但爸媽已經幫佢買左樓，唔洗供，可以話人生唔洗為錢煩

咁佢男朋友屋企就係窮d，老豆老母好似都長期住大陸，自己宜家係同人合租

佢話因為男朋友對佢好nice好照顧，所以要結婚

但家庭背景相差有d遠，我室友父母係唔贊同結婚，但又未阻止

我室友話佢男朋友有十幾萬積蓄，男朋友父母可以攞出十幾萬，呢d錢加埋可以做首期買樓

佢男朋友人工夠供樓，但就會過得辛苦d

我話點解唔住你屋企俾你嘅樓？

佢話果層樓係佢私人財產，男朋友憑咩住？

我：哈？但你唔係結婚咩？結婚就係屋企人喎仲分咁清？

佢話男朋友冇出錢梗係唔可以住佢自己嘅樓.........

我本來以為係佢屋企人唔俾男朋友住

但佢話佢爸媽話如果sure咗要結婚，應該係佢地一起住，咁就唔洗煩供樓，話佢好自私

佢話覺得自己冇錯

覺得男人唔應該用女人錢，唔應該住女人樓，就應該攞出錢來俾女人洗

我問佢咁層樓點算？佢話收租lor擺係度

佢話男朋友賺唔到咁多錢都冇資格住咁好..........

同佢食完飯我一時無言以對，

好想同人分享下佢嘅idea卻又搵唔到人

我係認為家庭條件好係應該俾你好好利用嘅，咁樣你可以提高自己生活水平嘅同時，有更高追求

同埋都談婚論嫁如果咁care自己蝕底就搵個有錢人喇

何必為難自己男朋友？

佢話男朋友知道層樓嘅事都同意唔住

今個星期見家長

呢d男人好有骨氣!!!!!!!!

文章來源: https://www.twgreatdaily.com/cat99/node789743

轉載請註明來源：今天頭條