每日要由交易廣場搭去田灣返工
條路經瑪麗, 好多醫生護士都搭
試過有一次係交易廣場開左車無耐,
有個乘客突然嗌心口好痛話要下車, 講完唔夠兩秒就暈左
有乘客一睇勢色唔對,
即刻同佢檢查, 然後同司機講
"佢急性心臟病, 要即刻到瑪麗!"
"痲煩架車開定D, 我要同佢做CPR"
跟住嗌坐隔離果個話
"打呢個電話俾DR. X, 叫佢準備好A&E"
個司機即刻講左一句
"有無人要瑪麗前面落?"
跟住停左架車, 有兩個人落左去
呢位著銀色戰衣載反光護目鏡嘅司機, 就開始火力全開
睇住個車速錶120...130...140...
係香港仔山路逆線極速飄移
車外境色愈黎愈模糊...
而個位醫生 (?) 同另外一個女乘客就幫個病人急救
好野嘅係, 架車真係好定
紅VAN嘅雙人位就變左急救床
結果唔駛5分鐘就到左瑪麗A&E,
一隊急救隊已經STANDBY,
即刻移左佢上白床, 推左入去
不過個司機俾兩隻駐醫院警犬喝左下車
個醫生就衝落去屌鳩果兩個PC,
佢響朵係瑪麗心臟科主管黎, 要佢即刻放人
跟住就一直屌
PC放番個司機之後繼續揸番去田灣,
仲早過平時就到
小巴司機都有愛港的!!!
轉載請註明來源：今天頭條