有點長,見諒

話說我3年前係一個無咩目標,無咩成就既所謂mk仔,

鍾意左一個心中既女神,為左佢哄佢開心哄佢笑,

而係追佢個時佢係各方面都影響左我

例如我以前對屋企人好差,但自從近得佢多,已經孝順番好多,

又例如我以前朋友都係豬朋狗友,因為佢我漸漸都同d損友疏遠

追左半年,到左告白個刻,佢話:你依家唔適合我,但我地都仲係好朋友,我唔會拍拖住,

就係佢呢句所謂承諾,我呢三年都好奮力咁改變自己,

去學英文,去進修,一日訓兩粒鐘,

由一個車房仔變成依家中環番工,

著車房衫變成著西裝番工,

出入車房變成出入甲級寫字樓,

由幫人洗車變成揸車番工,

呢3年,轉變真係好大,連朋友都覺,話我好似變左另外一個人咁,

而我都有keep住同女神吃飯,都睇得出佢有為我嘅改變而開心...

本來諗住開始有番少少成就,諗住再表白一次啦...

但是....前幾日同佢同埋 d common fd嘅飯局裡,本來我地食得好開心,

點知佢完個時無啦啦派帖俾我,無錯係喜帖,

原來一班朋友都知佢已經拍拖左成年,依家已經談婚論嫁了,

而佢又有心咁o係所有渠道封鎖消息,原來只有一個我唔知...

我更加意想唔到,佢,明知道我一直鍾意同等緊佢,

居然會派張帖俾我,我真係好好好好好傷心...佢究竟有無當我係朋友

可能受酒精影響,個時我隨手將喜帖係佢同朋友面前撕爛,佢嚇到喊左,

而我見到佢咁,匆忙上左架的士走左...但個一刻我好後悔,

之後佢就無搵過我...從前我地幾乎每日都whatsapp...

我係唔係好小氣?

我係唔係將我地段友誼撕爛左?

點算???

------------------------------------------------------------------------------------------

多謝各位 我都有望過大家留言 都有好多疑問 我繼續打原來,並非我一廂情願因為後來佢d密友質問我點解咁做,

係言談之間先知其實,佢真係一直等緊我咁後尾點解佢會結婚呢?

原來佢識佢男友個時正陷入人生低潮,要一個人去面對,打撃原來好大.

雖然呢件事我知道 但眼見佢好似無咩野 難道我還胡亂觸碰佢傷口?

而且係佢那種不像是刻意缺出來的笑容面前,我的好奇同關心都敗下陣來.另外,果陣時又要讀英文 又要進修 又要工作 真的無那麼多心力...我知係藉口

但原來...這一切都係偽裝.

後尾,可能是乘虛而入吧,whatever la,就遇上佢未來老公,

原來佢同佢老公都唔係好夾...有d價值觀上唔夾,

但佢老公係一個好人,對佢好好...又會遷就佢,

所以咁就好順理成章應許這婚事依家

有朋友叫我做阿牛 等自己唔好有遺憾佢地話:對佢好,佢應承結婚,這並非是愛情,而是恩情,所以我仲有機喎...

但又有朋友話愛情係分先後 所以我就算攞住張vip 都無可能後來居上

又有朋友話 自從我將張喜帖撕爛左 已經將呢段關係宣告結束 我做甚麼也影響不了結局的

你地又覺得呢?真心,我唔想呢段友誼就咁完 人生得一知己...

我也視佢為唯一但我又係唔係視佢為知己呢?

真的,我唔太知依家如何自處了...

我好難過..已經請左2日假了...

我知有點長 抱歉

--------------------------------------------------------------------------------------------------------------

好多謝大家連續請左3日工,呢3年都無試過放咁長假,先多謝老細好體諒好講番,

今日,我約左佢出去,佢都好似以前咁有默契地請左假同我出去我地上左一架電車,

一架以前成日搭嘅電車,係車上,好似好多ching所言,

我將我咁多年嘅感覺,想法,期望一一都話佢聽.也決心做一次阿牛,

佢都聽到好感動,又不停追問以前發生過的種種,彷彿想搵番以前嘅錯失,

也將以前好多不解,疑惑一一掃空,

在那短短既車程,佢彷彿對現在既選擇有所猶豫

e.g

我:你有喜歡我嗎

佢:有,一直都有,難道你不知道嗎?

無言而對...

我:咁你當初點解要嫁俾佢

佢:咁佢求左幾次婚嘛..可能衝動吧,佢又對我好嘛..

我:咁我對你唔好咩?

佢既無言而對,我已經大約知道最終答案

我:咁點解你依家好似猶豫既

佢:咁有一個我好喜歡嘅朋友,突然咁問我,猶豫也正常吧

無言而對,因為我已經知結局大約係點

但我仍忍不住問:咁我要你唔好結婚跟我一起,可以嗎?

佢:如果我真係因為有第2個人出現而放棄一段感情,你都唔會鍾意我啦

可唔可以唔好唔開心,永遠做我好朋友?

那一刻,我再沒有撕爛喜帖嘅衝勁,只呆呆咁話:我累了,可否讓我靜靜遊下車河 然後她走了

我搭住回頭車,望住褪去的風景,低哼: 慘淡在是我知不能回頭 欺騙我能約定未來回頭 我是牛 我是牛...

我知道 明天我要上班了 又要過正常嘅生活

我不知道同佢以後還算不算朋友但我已經好感激佢走進我生命裡...

痛的確是好痛,希望可以用日後嘅工作沖淡,

但我以前工作唔多唔少都為左佢,咁我以後又為左d咩而工作呢?見步行步啦...

所以,各位ching,請好好把握,

唔好去到不能回頭才懂後悔,

人生,沒那麼多機會的,共勉之

source :

轉載請註明來源：今天頭條