早前《壹》仔報導過台灣有一架的士非常出名，可以一邊搭車一邊唱K。51歲嘅司機塗清涼將成架車改造，有曬音響、燈光，同K房無異。之前我哋介紹過長腿索台妹大展歌喉；今次就唔同喇，一位樣靚聲甜嘅港女做過江龍，唱出一首《容易受傷的女人》令唔少港台網友回味架！

喺數個月前，呢位梁姓靚女同一班大學同學去台灣玩，夜晚上咗架唱K台的，全程眼定定望實熒幕上嘅歌詞，勁溫柔唱出王菲嘅《容易受傷的女人》，好有Feel！難怪司機都大讚對方「太優秀了！你的歌聲每天都會在台北市出現」搞到靚女好怕醜，唔敢望鏡頭。

唱到最後，靚女自己都忍唔住笑；咁好聽，司機更話：「如果這都不紅，實在沒道理咧！」司機一如以往將乘客唱歌片段放上自己Facebook，結果大獲好評；直至依家，更流傳返香港。

網友都讚首歌好好聽，而靚女更係「顏值高、聲底好、身材正」，有氣質之餘，唱功都唔比香港歌手差。更有網民將「宇宙巨漿」鄧紫棋比較，唔使又叫又跳又夜以野以儀夜都可以唱出水準！

轉載請註明來源：今天頭條