昨晚郭富城在微博公開同27歲上海模特兒方媛的戀情 ，少有地公開女朋友的身份，旋即成為城中熱話！而2013年同城城結束七年情的名模熊黛林(Lynn)亦都好事近，盛傳下個月就會去日本嫁郭可盈弟弟郭可頌！

可能係見到舊愛城城忽然認愛，所以Lynn今日都喺微博上大曬同男友郭可頌著情侶鞋的照片，並留言話︰「幸福就在身邊，祝福大家！」唔知係對城城送上祝福，還是暗示各自各精彩？

早前郭可盈接受訪問時，對未來弟婦Lynn讚不絕口，而郭可盈早前搞生日會時Lynn亦有到場，佢喺微博上載全家福並留言︰「能夠成為一家人是緣份，能夠繼續相親相愛是福氣，感謝上天給予我們這個充滿愛的家」 已經當咗Lynn係一家人！

轉載請註明來源：今天頭條