是咁的，我本身係做designer 做web, graphic, video, 個d，around 8年經驗, 之前曾經轉過行做marketing,後來做番designer。話說之前有2個offer, 因為呢份同之前公司性質差唔多，同埋title 較好，所以先揀呢份。

第一日返去，已經俾單比較大嘅project 做，仲要係中間接手個隻，唔緊要啦，Ok，冇所謂。然後幾日又當然俾其他野我，冇計，打左工咁耐，預左。其實同事都幾好，都肯幫我。但阿頭就成日吹，例如deadline 係聽日，聽日11點 已經問我攞，但真係太趕，但我都係on time 做左俾佢。

點知一星期後，就召見我同相關同事，話我d野唔得，講真我自問都做得唔算太好，但真係盡左力。因為呢個project 係關於shooting game. (我之前冇做過呢d game design, 加上我接手時，main layout 已經confirm)。即係話，我又唔可以重新做，但又要似之前嗰個。然後阿頭又話埋其他同事係咪比錯信息我…ok 我惟有當冇事發生，俾心機再做。

如是者又過一星期，我每日都OT，精神壓力都幾大。做到連右手都腫埋，我都好擔心做得唔好，都有去問另一個只係做左三個月嘅designer. 佢仲安撫我話，你啱啱黎，係咁架啦，我頭一個月都好似你咁。咁我又覺得好似應該冇乜問題。

到左今日，點知改哂d layout後就叫我入房話炒我。係房度，佢話其實expect 我應該做得幾好，因為我已經算幾有經驗，㸃解會咁呢？

我話我唔知咁趕，又冇人話我知個project確實deadline , 同埋我連d server , share drive，file放邊都未知哂。其實d同事都幾撐我，都有叫我俾心機，又有講唔係咁應該咁快俾大project 你住，應該慢慢黎，但我自問已經好勤力，唔係扮野，大家都睇到。咁我就話都只不過差唔多兩個星期…我諗之後會好d。

點知阿頭話兩個星期啦喎？都唔慣？之後我冇言…再之後見HR主管， 我老實話如果咁高要求，好難搵人。佢仲同我講，係呀，你個post 好難，之前有個做左幾日就走左…

而家都唔知點算，頂多捱多兩個月，又要供樓，又未搵到工…

轉載請註明來源：今天頭條