是咁的。

話說我有個拍咗拖5年嘅男朋友，我地係中學開始拍拖，我男友係一個非常忠實、擔屎都唔偷食嘅人。

即使後來我地各自升咗去唔同嘅大學，好似有好多引誘，但佢都係對我從一而忠（咁我當然都係好鍾意我男朋友啦）。

我男朋友係讀business，佢身邊有個女同學兼fd子兼project拍檔，我稱佢為 A 姐。A 姐佢自己其實都有個做緊嘢嘅男朋友，唔知點解佢係唔使返學嘅日子，就會約我男朋友去街、去玩，當然我男朋友有同我講，有叫我去個啲活動，咁我都好比面會去個啲活動，所以我同 A 姐可以話係識得嘅。

A 姐係啲濃妝女，絕對唔係我男朋友杯茶，所以我唔覺得佢要收我男朋友做兵，或者要勾引我男友，但始終唔鍾意有第二個女人分薄我同男朋友嘅相處時間，同埋有時唔知佢個腦裝乜，例如：

一，A 姐由大學時，已開始問我男友借錢，

我心諗：點解唔問返你條仔借錢⋯？！咁我男友好人，就幾千蚊，借借嚇就借幾萬蚊，條女成人話下個月還，但最後梗係無玩，但仲要比我見到佢係facebook哂命送咗啲乜乜乜比佢男友，又請佢阿爸阿媽去旅行⋯

二，有次 A 姐 話唔記得帶鎖鑰返屋企，話想上我男友過夜（請問點解你唔上去自己條仔屋企？)，我男友打電話問我意見⋯（我又心諗：我親愛嘅男友，咁你都要問我？

) 咁我梗係話唔得啦！

三，我男友同朋友租個office，咁我同男友就sweet sweet 咁油牆（油小部份嫁咋），A 姐話想上黎睇，同埋佢男友要做嘢，佢話好悶喎⋯我心諗有乜好睇

佢著咗條裙上黎，我落街買嘢返黎見到佢除咗條裙, 我心諗咩料？！！！

各位，有咩方法可以拎條女離開我男朋友

轉載請註明來源：今天頭條